Jambyl oblysynda esirtkige qarsy kúres bóliminiń bastyǵy marıhýana satqan

Foto: polisia.kz

Jambyl oblysynda esirtkige qarsy kúres bóliminiń bastyǵy jumysta statıstıkany jasandy túrde kóterý úshin marıhýana satqan. Bul týraly qandastar.kz Stan.kzaqparat agenttigine silteme jasap habarlaıdy.

Is materıaldarynan belgili bolǵandaı, sottalýshy Jambyl oblysyndaǵy jelilik polıııa bóliminiń esirtki qylmysyna qarsy is-qımyl bólimshesiniń bastyǵy qyzmetin atqarǵan. Ol Tarazdan tanys, birneshe ret sottalǵan adam arqyly esirtkini basqa óńirlerge ótkizgen.

«Esirtki arnalaryn anyqtaý, ashý jáne jolyn kesý jónindegi jumys kórsetkishterin jasandy túrde arttyrý maqsatynda 1080,03 gramm (asa iri mólsherde) salmaǵy bar «keptirilgen marıhýana» esirtki quralyn Щ. arqyly basqa óńirge odan ári ótkizý jáne keıinnen ustaý úshin zańsyz satyp alǵan», – delingen aýdanaralyq sottyń habarlamasynda.

Sottalýshynyń kinási dáleldendi, biraq ol ony moıyndamady. Jeńildetetin jaǵdaı retinde sot jas balalardyń bolýyn eskerdi. Antty buzǵany aýyrlatatyn faktor boldy.

Polıııa maıoryna 11 jyl bas bostandyǵynan aıyrý jazasy taǵaıyndaldy. Úkim zańdy kúshine engen joq.