جامبىل وبلىسىندا فەلدشەردى كەۋدە تۇسىنان اتقان ادامعا ۇكىم شىقتى

فوتو: dp.ru

جامبىل وبلىسى بايزاق اۋداندىق سوتىندا جەدەل جاردەم فەلدشەرىنىڭ كەۋدە تۇسىنان وق اتقان ەر ادامعا قاتىستى قىلمىستىق ءىس قارالدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

سوت مالىمەتىنشە, بيىل شىلدە ايىندا بايزاق اۋدانىنداعى ستوماتولوگيالىق ەمحانانىڭ الدىندا سوتتالۋشى جابىرلەنۋشىمەن اۋىزشا جانجالداسىپ قالعان.

«جانجالدىڭ سالدارىنان سوتتالۋشى م. سومكەسىنەن تراۆماتيكالىق پاتروندارمەن اتىلاتىن قارۋدى شىعارىپ, فەلدشەردىڭ كەۋدە تۇسىنا وق اتقان. كەيىن وقيعا ورنىنان قاشىپ كەتكەن», – دەلىنگەن حابارلامادا.

پروكۋرور سوتتالۋشىنى 3 جىل 6 ايعا باس بوستاندىعىنان ايىرۋدى سۇرادى. سوتتالۋشى ءوز كىناسىن تولىق مويىنداپ, جابىرلەنۋشىمەن تاتۋلاسقانىن جانە وعان كەلتىرىلگەن زياندى وتەگەنىن ايتتى. جابىرلەنۋشى سوتتالۋشىنى كەشىرگەنىن راستاپ, سوتتان ونى قىلمىستىق جاۋاپكەرشىلىكتەن بوساتۋدى سۇرادى.

سوت كىناسىن جەڭىلدەتەتىن ءمان-جايلار رەتىندە شىن وكىنگەنىن جانە كەلتىرىلگەن زياندى تولىق وتەگەنىن قاراستىردى.

«سوت ۇكىمىمەن م. كىنالى دەپ تانىلىپ, اقىرى 3 جىل 6 ايعا باس بوستاندىعىنان ايىرۋ جازاسىنا كەسىلدى. قىلمىستىق كودەكستىڭ 63-بابى (شارتتى تۇردە سوتتاۋ) بويىنشا جازا شارتتى دەپ تانىلدى», – دەلىنگەن حابارلامادا.

ۇكىم زاڭدى كۇشىنە ەنگەن جوق.

ايتا كەتەيىك, بۇعان دەيىن تۇركىستان وبلىسىندا ەر ادام جۇكتىايەلىن تەكسەرگەنى ءۇشىن فەلدشەردى سوققىعا جىققانى تۋرالى جازعان ەدىك.