Jambyl oblysynda feldsherdi keýde tusynan atqan adamǵa úkim shyqty

Foto: dp.ru

Jambyl oblysy Baızaq aýdandyq sotynda jedel járdem feldsheriniń keýde tusynan oq atqan er adamǵa qatysty qylmystyq is qaraldy, dep jazdy qandastar.kz

Bul týraly Stan.kz aqparat agenttigi habarlaıdy.

Sot málimetinshe, bıyl shilde aıynda Baızaq aýdanyndaǵy stomatologııalyq emhananyń aldynda sottalýshy jábirlenýshimen aýyzsha janjaldasyp qalǵan.

«Janjaldyń saldarynan sottalýshy M. sómkesinen travmatıkalyq patrondarmen atylatyn qarýdy shyǵaryp, feldsherdiń keýde tusyna oq atqan. Keıin oqıǵa ornynan qashyp ketken», – delingen habarlamada.

Prokýror sottalýshyny 3 jyl 6 aıǵa bas bostandyǵynan aıyrýdy surady. Sottalýshy óz kinásin tolyq moıyndap, jábirlenýshimen tatýlasqanyn jáne oǵan keltirilgen zııandy ótegenin aıtty. Jábirlenýshi sottalýshyny keshirgenin rastap, sottan ony qylmystyq jaýapkershilikten bosatýdy surady.

Sot kinásin jeńildetetin mán-jaılar retinde shyn ókingenin jáne keltirilgen zııandy tolyq ótegenin qarastyrdy.

«Sot úkimimen M. kináli dep tanylyp, aqyry 3 jyl 6 aıǵa bas bostandyǵynan aıyrý jazasyna kesildi. Qylmystyq kodekstiń 63-baby (Shartty túrde sottaý) boıynsha jaza shartty dep tanyldy», – delingen habarlamada.

Úkim zańdy kúshine engen joq.

Aıta keteıik, buǵan deıin Túrkistan oblysynda er adam júktiáıelin teksergeni úshin feldsherdi soqqyǵa jyqqany týraly jazǵan edik.