جامبىل وبلىسىندا كوماعا تۇسكەن سارباز: قورعانىس مينيسترلىگى زورلىق-زومبىلىق فاكتىسىن راستادى

فوتو: اشىش دەرەككوز

قورعانىس مينيسترلىگى جامبىل وبلىسىندا كوماعا تۇسكەن 19 جاستاعى ساربازعا جاسالعان زورلىق-زومبىلىق فاكتىسىن راستادى. بۇل تۋرالى Stan.kz اقپارات اگەنتتىگى حابارلايدى.

ۆەدومستۆونىڭ رەسمي وكىلى رۋسلان جانعۇلين جىگىتتىڭ اۋرۋحانادا جاتقانىن ايتتى. ونىڭ جاعدايى تۇراقتى جانە اۋىر دەپ باعالانىپ وتىر.

«قازىر اسكەري قىزمەتكەر الماتى قالاسىنداعى اسكەري-كلينيكالىق گوسپيتالدا جاتىر. وعان بارلىق قاجەت مەديتسينالىق كومەك كورسەتىلگەن. اسكەري دارىگەرلەر مەن باسقا دا ماماندار ونى تەكسەرىپ, بارلىق قاجەت شارانى جۇرگىزىپ جاتىر. بۇگىندە ونىڭ جاعدايى تۇراقتى جانە اۋىر دەپ باعالانىپ وتىر. بىراق جاقسارۋ بار», – دەدى ول.

رۋسلان جانعۇلين بۇل فاكتى بويىنشا سەرجانتقا قاتىستى تەرگەۋ باستالعانىن ايتتى.  جانگۋليننىڭ ايتۋىنشا, ول «قىزمەتتىك وكىلەتتىگىن اسىرا پايدالانعان».

ايتا كەتەيىك, جاراقات العان ساربازدىڭ اتا-اناسى جاس جىگىت سەرجانتتىڭ اياۋسىز سوققىسىنان كەيىن كوماعا تۇسكەنىن مالىمدەدى.

«بۇگىندە اسكەري-تەرگەۋ ورگاندارى قىزمەتتىك وكىلەتتىگىن اسىرا پايدالانعان اسكەري قىزمەتكەرگە قاتىستى جەدەل-ىزدەستىرۋ شارالارىن جۇرگىزىپ جاتىر», – دەدى قورعانىس مينيسترلىگىنىڭ وكىلى.

ەسكە سالايىق, بۇعان دەيىن جامبىل وبلىسى وتار اۋىلىنداعى №30212 اسكەري بولىمىندە اسكەري بورىشىن وتەپ جۇرگەن سارباز قازىر اۋىر جاعدايمەن جانساقتاۋ بولىمىندە جاتقانىن جازدىق. اناسى جاننا جانالينا ۇلىن سوققىعا جىعىلعان دەپ سانايدى. دارىگەرلەر ساربازدىڭ جاعدايى اۋىر ەكەنىن ايتتى. نۇرجىگىت اۋەلدە باسى اينالىپ, جۇرەگى اينىعانىنا شاعىم بىلدىرگەن.

اناسىنىڭ ايتۋىنشا, cاربازدى 8 ماۋسىمدا قوردايداعى اۋرۋحاناعا اسكەريلەر الىپ كەلگەن. ساربازعا پنەۆمونيا دياگنوزى قويىلعان. ال قورعانىس مينيسترلىگى اسكەري قىزمەتكەردىڭ باستاپقىدا مەديتسينا ورتالىعىنا جالپى السىزدىك جانە دەنە قىزۋىنىڭ كوتەرىلۋ شاعىمدارىمەن جۇگىنگەنىن حابارلادى.

1. 24 ماۋسىمدا اسكەري قىزمەتكەر كومادان شىقتى. پرەزيدەنت قاسىم-جومارت توقاەۆ بۇل ءىستى جان-جاقتى تەكسەرۋدى تاپسىردى.