Jambyl oblysynda komaǵa túsken sarbaz: Qorǵanys mınıstrligi zorlyq-zombylyq faktisin rastady

Foto: ashysh derekkóz

Qorǵanys mınıstrligi Jambyl oblysynda komaǵa túsken 19 jastaǵy sarbazǵa jasalǵan zorlyq-zombylyq faktisin rastady. Bul týraly Stan.kz aqparat agenttigi habarlaıdy.

Vedomstvonyń resmı ókili Rýslan Janǵulın jigittiń aýrýhanada jatqanyn aıtty. Onyń jaǵdaıy turaqty jáne aýyr dep baǵalanyp otyr.

«Qazir áskerı qyzmetker Almaty qalasyndaǵy áskerı-klınıkalyq gospıtalda jatyr. Oǵan barlyq qajet medıınalyq kómek kórsetilgen. Áskerı dárigerler men basqa da mamandar ony tekserip, barlyq qajet sharany júrgizip jatyr. Búginde onyń jaǵdaıy turaqty jáne aýyr dep baǵalanyp otyr. Biraq jaqsarý bar», – dedi ol.

Rýslan Janǵulın bul fakti boıynsha serjantqa qatysty tergeý bastalǵanyn aıtty.  Jangýlınniń aıtýynsha, ol «qyzmettik ókilettigin asyra paıdalanǵan».

Aıta keteıik, jaraqat alǵan sarbazdyń ata-anasy jas jigit serjanttyń aıaýsyz soqqysynan keıin komaǵa túskenin málimdedi.

«Búginde áskerı-tergeý organdary qyzmettik ókilettigin asyra paıdalanǵan áskerı qyzmetkerge qatysty jedel-izdestirý sharalaryn júrgizip jatyr», – dedi Qorǵanys mınıstrliginiń ókili.

Eske salaıyq, buǵan deıin Jambyl oblysy Otar aýylyndaǵy №30212 áskerı bóliminde áskerı boryshyn ótep júrgen sarbaz qazir aýyr jaǵdaımen jansaqtaý bóliminde jatqanyn jazdyq. Anasy Janna Janalına ulyn soqqyǵa jyǵylǵan dep sanaıdy. Dárigerler sarbazdyń jaǵdaıy aýyr ekenin aıtty. Nurjigit áýelde basy aınalyp, júregi aınyǵanyna shaǵym bildirgen.

Anasynyń aıtýynsha, carbazdy 8 maýsymda Qordaıdaǵy aýrýhanaǵa áskerıler alyp kelgen. Sarbazǵa pnevmonııa dıagnozy qoıylǵan. Al Qorǵanys mınıstrligi áskerı qyzmetkerdiń bastapqyda medıına ortalyǵyna jalpy álsizdik jáne dene qyzýynyń kóterilý shaǵymdarymen júgingenin habarlady.

1. 24 maýsymda áskerı qyzmetker komadan shyqty. Prezıdent Qasym-Jomart Toqaev bul isti jan-jaqty tekserýdi tapsyrdy.