جامبىل وبلىسىندا قىلمىستىق توپ ۇستالدى

جامبىل وبلىسىندا پوليتسيا دەپارتامەنتى ۇيىمداسقان قىلمىسقا قىلمىسقا قارسى كۇرەس باسقارماسىنىڭ قىزمەتكەرلەرى پروكۋراتۋرامەن بىرلەسىپ, «اقباقاي» كەن ورنىندا ارەكەت ەتكەن ۇيىمداسقان قىلمىستىق توپتىڭ قىزمەتىن توقتاتتى, دەپ حابارلايدى Polisia.kz.

توپ قۇرامىنا جەرگىلىكتى تۇرعىندار, كومبينات قىزمەتكەرلەرى مەن قاۋىپسىزدىك قىزمەتىنىڭ وكىلدەرى كىرگەن.

«ولاردىڭ زاڭعا قايشى ارەكەتتەرىنەن كاسىپورىنعا كەلتىرىلگەن زالال 400 ميلليون تەڭگەدەن استى. توپ ۇيىمداستىرۋشىسى مەن ونىڭ سىبايلاستارىن ۇستاۋ ءبىر مەزگىلدە ەلدىڭ ءتورت وڭىرىندە جۇرگىزىلدى. جالپى 50-دەن استام ادام ۇستالدى», — دەيدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.

شامامەن 6 كگ التىن تاركىلەندى, كەن وڭدەيتىن 8 جاسىرىن تسەح جويىلدى.

قىلمىستىق ءىس بىرنەشە باپ بويىنشا, سونىڭ ىشىندە ۇيىمداسقان قىلمىستىق توپ قۇرۋ, وعان باسشىلىق ەتۋ جانە قاتىسۋ فاكتىلەرى بويىنشا تەرگەلۋدە.

تەرگەۋ مۇددەسىنە بايلانىستى وزگە اقپارات جاريا ەتىلمەيدى.