ءبىلىم
جامبىل وبلىسىندا مەكتەپ وقۋشىسى وزىنە قول جۇمسادى
فوتو: اشىق دەرەككوز
جامبىل وبلىسىندا جانتۇرشىگەرلىك وقيعا بولدى. كوكباستاۋ اۋىلىنداعى امانگەلدى ورتا مەكتەبىنىڭ 10-سىنىپ وقۋشىسى ءوز-وزىنە قول جۇمسادى, دەپ حابارلايدى qandastar.kz
بۇل تۋرالى اقپارات الەۋمەتتىك جەلىدە تارادى. 15 جاستاعى ءجاسوسپىرىم — تولىق ەمەس وتباسىنداعى التى بالانىڭ ءبىرى. اۋىلداستارىنىڭ ايتۋىنشا, ونىڭ اكەسى وسىدان 4 جىل بۇرىن كوپ جىلعى دەرتتەن قايتىس بولعان.
وقۋشىنىڭ نەلىكتەن مۇنداي قادامعا بارعانىن پوليتسيا انىقتايدى. قازىر ءتارتىپ ساقشىلارى ءوزىن-ءوزى ولتىرۋگە يتەرمەلەۋ بابى بويىنشا سوتقا دەيىنگى تەرگەۋدى باستادى.
«وقيعا ورنىندا جەدەل-تەرگەۋ توبى, پروكۋراتۋرا, ءبىلىم باسقارماسىنىڭ قىزمەتكەرلەرى, پسيحولوگتار مەن جامبىل وبلىسى بويىنشا بالالار قۇقىقتارى جونىندەگى ۋاكىل جۇمىس ىستەپ جاتىر».جامبىل وبلىسىنىڭ پوليتسيا دەپارتامەنتى
سونداي-اق ۆەدومستۆو ءمان-جايدى انىقتاۋ ءۇشىن بارلىق قاجەتتى تەرگەۋ شارالارى جۇرگىزىلىپ جاتقانىن حابارلادى.
