جاڭالىقتار
جامبىل وبلىسىندا ءتورت ادام قازا تاپتى
جامبىل وبلىسىندا ءتورت ادام جول اپاتىنان قازا تاپتى, دەپ جازدى Qandastar.kz. توتەنشە جاعداي 24 شىلدە كۇنى, ساعات تاڭعى 09:40-تا رەسپۋبليكالىق ماڭىزى بار ەكاتەرينبۋرگ – الماتى تاسجولىنىڭ 451-شاقىرىمىندا تىركەلگەن.
پوليتسيانىڭ مالىمەتىنشە, Toyota Alphard ماركالى مينيۆەننىڭ جۇرگىزۋشىسى رولگە يە بولا الماي, سول باعىتتا كەلە جاتقان SDLG ەكسكاۆاتور-تيەگىش تەحنيكاسىمەن سوقتىعىسقان. سونداي-اق, تاعى ەكى ادام اۋرۋحاناعا جەتكىزىلگەن.
جول اپاتى سالدارىنان Toyota Alphard كولىگىنىڭ جۇرگىزۋشىسى مەن ءۇش جولاۋشىسى وقيعا ورنىندا قازا تاپقان. تاعى ءبىر جولاۋشى مەن ەكسكاۆاتور جۇرگىزۋشىسى اۋرۋحاناعا جەتكىزىلگەنى حابارلاندى.
اتالعان فاكتى بويىنشا قر قك 345-بابى 4-بولىگى (ادام ولىمىنە اكەپ سوققان جول قوزعالىسى ەرەجەسىن بۇزۋ) بويىنشا سوتقا دەيىنگى تەرگەۋ باستالدى. ەكى كولىك ارنايى تۇراققا قويىلدى.
