Jambyl oblysyndaǵy sý basý: Aımaq ákimdigi málimdeme jasady

Foto: azattyq-ruhy.kz

Jambyl oblystyq ákimdigi Sarysýda sý basýdan keıin materıaldyq shyǵyndy esepteý jumystary bastalǵanyn málimdedi. Bul týraly Stan.kz aqparat agenttigi habarlaıdy.

Qazirgi tańda shyǵyndy zerdeleý boıynsha jumys top qurylǵan. Sonymen qatar tótenshe jaǵdaılar departamentiniń qyzmetkerleri sý sorý jumystaryn jalǵastyryp jatyr. Barlyǵy 18 600 m3 sý sorylyp, jalpy 128 aýla men 47 úıdiń ishi sýdan tazartyldy.

“Jańatas qalasyndaǵy eki eldi meken (Maloetajka, Degeres) jaryqqa qosyldy. Tek D. Qonaev orta mektebinde sýdan tazartý jumystarynyń júrgizilýine baılanysty jaryq áli berilmedi. 8 shilde, tańerteń ushqyzsyz ushý apparatynyń kómegimen sý deńgeıiniń edáýir tómendegeni anyqtaldy. Adam, mal shyǵyny joq. Zardap shekken turǵyndar úshin 105 oryndyq eki qabyldaý pýnkti daıyndyqqa keltirilip, oǵan 12 adam ornalystyryldy. Qazir olar óz erikterimen úılerine qaıtaryldy”, – delingen habarlamada.

«Jańatas–Saýdakent» tasjoly ashyq. Tótenshe jaǵdaıdyń saldaryn joıýǵa azamattyq qorǵaý qyzmetterinen 282 adam, 64 tehnıka, 35 motopompa jáne 1 ushqyzsyz ushý apparaty jumyldyrylǵan.