جامبىلدا اكىمدەر اتا-ەنەلەرىنە جەر بەرگەن

جامبىل وبلىسىنىڭ لاۋازىمدى تۇلعالارى جاقىن تۋىستارىنا جەر پايدالانۋ قۇقىعىن بەرگەن, دەپ حابارلايدى Qandastar.kz اقپاراتتىق سايتى. 

2024 جىلدىڭ جەلتوقسان ايىندا پولاتقوسشى اۋىلدىق وكرۋگى اكىمىنىڭ جۇبايىنىڭ اناسىنا 1 جىل مەرزىمگە 0,0692 گا جەر تەلىمى باۋ-باقشا وسىرۋگە بەرىلگەن. ەكى ايدان كەيىن جەر تەلىمى كوممەرتسيالىق ماقساتتاعى ساناتقا اۋىستىرىلعان.

قاراتوبە اۋىلدىق وكرۋگى اكىمىنىڭ اپكەسى باۋ-باقشا ءوسىرۋ ءۇشىن 0,1 گا جەر تەلىمىنە, سونداي-اق جەكە مەنشىكتە بۇرىن جالعا الىنعان 0,0763 گا جەر تەلىمىنە قۇقىق العان.

اكىم ايەلىنىڭ اكەسىنە 0,3500 گەكتار جەر تەلىمىن بەرگەن.

جامبىل اۋداندىق سوتىندا مەملەكەتتىك ورگاندار باسشىلارىنىڭ سىبايلاس جەمقورلىققا قارسى ءىس-قيمىل شارالارىن قولدانباۋىنا قاتىستى ەكى اكىمشىلىك قۇقىق بۇزۋشىلىق تۋرالى ءىس قارالدى.

لاۋازىمدى تۇلعالار ءوز كىنالارىن تولىق مويىندادى.

سوت ولاردى اقبتك-ءنىڭ 680-بابى بويىنشا كىنالى دەپ تاۋىپ, ارقايسىسىنا 275 مىڭ تەڭگەدەن اكىمشىلىك ايىپپۇل سالدى.