جامبىلدا پوليتسيا قىزمەتكەرى قازا تاپتى

فوتو: پد

جامبىل وبلىسىندا پوليتسيا قىزمەتكەرى قىزمەتتىك مىندەتىن اتقارۋ كەزىندە قازا تاپتى, دەپ جازدى qandastar.kz

قايعىلى جاعداي 11 اقپان كۇنى كەشكى ساعات 19:40-تا الماتى – تاشكەنت تاس جولىنىڭ 203-ءشى شاقىرىمىندا بولعان.

Volkswagen Passat جۇرگىزۋشىسى قارسى باعىتقا شىعىپ كەتىپ, جولداعى قوزعالىس قاۋىپسىزدىگىن قامتاماسىز ەتىپ تۇرعان پاترۋلدىك پوليتسيا كولىگىنە سوعىلعان.

«جول اپاتىنان ەكى پوليتسيا قىزمەتكەرى ءتۇرلى جاراقات الىپ, قورداي ورتالىق اۋداندىق اۋرۋحاناسىنا جەتكىزىلدى. جامبىل وبلىسىنىڭ پوليتسيا دەپارتامەنتىنىڭ پاترۋلدىك پوليتسيا باتالونىنىڭ اعا ينسپەكتورى ۇشكەمپىر اباي باقىتبەك ۇلى 11 اقپاندا اۋرۋحانانىڭ رەانيماتسيالىق بولىمشەسىندە كوز جۇمدى», — دەپ حابارلادى پوليتسيا.

اعا لەيتەنانت اباي ۇشكەمپىر ىشكى ىستەر ورگاندارىندا 2017 جىلدان باستاپ جۇمىس ىستەگەن.