جامبىلدا ءۇش بالا گازدان ۋلانىپ, قايتىس بولدى

فوتو: ult.kz

جامبىل وبلىسىندا ءۇش بالا اناسى جوقتا گازعا ۋلانىپ كوز جۇمدى, دەپ حابارلايدى qandastar.kz.

مەركى اۋدانىندا جالدامالى پاتەردە تۇراتىن وتباسىنىڭ ءۇش بالاسى گازعا ۋلانىپ قالدى. بالالار 4, 6 جانە 8 جاستا.

اناسى بالالارىن جالدامالى پاتەردە تاستاپ كەتكەن. ۇيگە ورالعان كەزدە گاز ءيىسىن سەزىپ, قىزدارىن اۋرۋحاناعا جەتكىزۋگە تىرىسقان. الايدا ول كەزدە ولار مەرت بولىپ كەتىپتى.

«وتباسى تۇراقتى تۇردە الەۋمەتتىك كومەك العان. ااك, بىررەتتىك جاردەماقى, اليمەنت جانە مەكتەپ فورماسىنا قاراجات بولىنگەن. اناسى 2025 جىلعى قاڭتاردان باستاپ تۇراقتى جۇمىس ىستەگەن», – دەپ مالىمدەدى اكىمدىك.

قازىر ارنايى جۇمىس توبى قۇرىلىپ, وتباسىنا پسيحولوگيالىق جانە الەۋمەتتىك قولداۋ كورسەتىلىپ جاتىر.