Jambyldaǵy jol apatynan qaza tapqan polıeıdiń biri – 11 balanyń ákesi

Foto: ashyq derekkóz

Jambyl oblysyndaǵy 6 adamnyń ómirin qıǵan jol-kólik apatynan qaza tapqan polıeıdiń biri «100 jańa esim» jobasynyń ekinshi kezeńiniń jeńimpazy, 11 balanyń ákesi 46 jastaǵy Ǵalym Arystanbaev ekeni belgili boldy, dep habarlaıdy Ulysmedia.kz.

8 BALA ASYRAP ALǴAN

Jambyl oblysy, Merki aýdanynyń turǵyny bolǵan Ǵalym Arystanbaev jambyldyqtarǵa jaqsy tanys. Onyń otbasy ózderiniń 3 balasynan bólek, taǵy 8 balany balalar úıinen asyrap alyp, keıin “100 jańa esim” jobasyna qatysqan. Kópshilik daýyspen jobanyń ekinshi kezeńiniń jeńimpazy atandy.

Marqum Ǵ.Arystanbaev jubaıy Álııamen birge otbasy úlgisindegi balalar úıin jasaǵan.

“MEREILI OTBASY”

Sondaı-aq Arystanbaevtar otbasy «Mereıli otbasy» respýblıkalyq konkýrsynyń da fınalısi bolǵan.

«Arystanbaevtar otbasy kópultty. Olardyń ázerbaıjan, qytaı, ózbek ultynan úsh qyzy bar. Balalary orys jáne syǵan. Olardyń barlyǵy túrli ult ókilderi bolǵanymen barlyǵy da qazaq tilinde sóıleıdi. Balalar óte jaqsy ári meıirimdi, olardy ata-analary úlgili azamat bolýǵa tárbıeleýde. Olardyń barlyǵy da Qazaqstannyń beldi azamattary bolady degen úmittemiz», deıdi Jambyl oblystyq IID baspasóz qyzmetiniń jetekshisi Gúlsara Muhtarqulova.

EŃBEK О́TILI

Jambyl oblystyq PD patrýldik polıııa batalonynyń aǵa ınspektory, polıııa kapıtany Ǵalym Arystanbaev 2006 jyldan beri ishki organdarynda eńbek etip kelgen.

Eske sala ketsek, búgin túnde, ıaǵnı 17 tamyzda saǵat 01:00 shamasynda «Merki – Shý – Býrylbaıtal» respýblıkalyq mańyzy bar avtojolynyń 40-shaqyrymynda aýyr jol-kólik oqıǵasy bolyp, saldarynan 6 adam qaza taýyp, 3 adam túrli dene jaraqatymen aýrýhanaǵa jetkizilgenin habarlaǵanbyz.