«جان-جاقتا سوعىس بولىپ جاتىر. بىزگە كوكپار ءۇشىن قىرىسۋ عانا قالدى ما?» – ايقىن تولەپبەرگەن

بەلگىلى ءانشى ايقىن تولەپبەرگەن دۇنيەجۇزىلىك كوشپەندىلەر ويىنىنداعى قازاق پەن قىرعىز كوكپارشىلارى اراسىنداعى كوكپار تارتىسقا قاتىستى پىكىر ءبىلدىردى, دەپ جازدى qandastar.kz turkystan.kz پورتالىنا سىلتەپ. 

«كوكپاردىڭ كەسىرىنەن قانشاما سوزدەر ايتىلدى. قازاقتار قىرعىزدارعا, قىرعىزدار قازاقتارعا ايتپاعانى قالمادى. دوستار, ءبىز – باۋىرمىز, كورشىمىز. كورشىڭمەن ۇرىسقاننان نە پايدا, ءبارىبىر كورشىڭ. باۋىرىڭمەن ۇرىسقاننان نە پايدا ءبارىبىر باۋىرىڭ بولىپ قالادى. سوندىقتان وسى جەردەن توقتاۋ كەرەك. ايتىلاتىن ءسوز ايتىلدى. كەلەسى جولى قىرعىزدار ۇتاتىن شىعار. ءبىز رەنجىمەيمىز ول كەزدە. نە اڭگىمە بىتپەيتىن? كوكپار ءۇشىن قانشاما ادام قىرىلىسىپ جاتىر. قازاق-قىرعىز ءبىر تۋعان. جۇمىلىپ بىرىگۋىمىز كەرەك. جان-جاقتا سوعىس بولىپ جاتقاندا ءبىر-بىرىمىزبەن قىرىلىسۋ عانا قالىپ ەدى. ءبىر-ءبىرىمىزدىڭ قۋانىشىمىزدى كوتەرۋىمىز كەرەك. قولداۋىمىز كەرەك», – دەدى ءانشى.