«Jan-jaqta soǵys bolyp jatyr. Bizge kókpar úshin qyrysý ǵana qaldy ma?» – Aıqyn Tólepbergen

Belgili ánshi Aıqyn Tólepbergen Dúnıejúzilik kóshpendiler oıynyndaǵy qazaq pen qyrǵyz kókparshylary arasyndaǵy kókpar tartysqa qatysty pikir bildirdi, dep jazdy qandastar.kz turkystan.kz portalyna siltep. 

«Kókpardyń kesirinen qanshama sózder aıtyldy. Qazaqtar qyrǵyzdarǵa, qyrǵyzdar qazaqtarǵa aıtpaǵany qalmady. Dostar, biz – baýyrmyz, kórshimiz. Kórshińmen urysqannan ne paıda, báribir kórshiń. Baýyryńmen urysqannan ne paıda báribir baýyryń bolyp qalady. Sondyqtan osy jerden toqtaý kerek. Aıtylatyn sóz aıtyldy. Kelesi joly qyrǵyzdar utatyn shyǵar. Biz renjimeımiz ol kezde. Ne áńgime bitpeıtin? Kókpar úshin qanshama adam qyrylysyp jatyr. Qazaq-qyrǵyz bir týǵan. Jumylyp birigýimiz kerek. Jan-jaqta soǵys bolyp jatqanda bir-birimizben qyrylysý ǵana qalyp edi. Bir-birimizdiń qýanyshymyzdy kóterýimiz kerek. Qoldaýymyz kerek», – dedi ánshi.