جاڭالىقتار
جاڭا 2 مىڭ تەڭگەلىك بانكنوتالار قولدانىسقا ەندى
فوتو: اشىق دەرەككوز
جاڭا 2 مىڭ تەڭگەلىك بانكنوتالار 2025 جىلدىڭ ەكىنشى توقسانىندا جاپپاي قولدانىسقا ەنەدى. بۇل تۋرالى ۇلتتىق بانك حابارلادى, دەپ جازدى qandastar.kz
«ساق ءستيلى» سەرياسىنىڭ بانكنوتاسى 25 جەلتوقساندا اينالىمعا شىعارىلعان بولاتىن. قورعانىش ەلەمەنتتەرى: قازاقستان ەلتاڭباسى التىن مەتالل بوياۋدىڭ جوعارى بەدەرلى قاباتىمەن باسىلعان.
كورۋ قابىلەتى ناشار ادامدارعا ارنالعان ارنايى بەلگى بار. بانكنوتا بەتىندە ۇزىك-ۇزىك تۇرىندە شىعىپ تۇرعان ەكى ءتۇستى قورعانىش ءجىپ تە بار. پاتچ. بانكنوتانى اۋدارعان كەزدە نومينالدىڭ سانى ويۋ-ورنەككە اۋىسقانداي اسەر بەرەدى. جارىق تۇسكەندە نومينالدىڭ بەينەسىنەن تۇراتىن ەلەكتروتيپ بەلگىسى انىق كورىنەدى. بانكنوتانىڭ ەكىنشى بەتىندە اقبوكەننىڭ باس ءپىشىنى بەينەسىندەگى ءتۇسى وزگەرمەلى سپارك ەلەمەنتى ورنالاسقان.
