“جاڭا ادامدار” الماتىلىق مەردىگەرلەردى سىنادى

فوتو: سكرين

“جاڭا ادامدار” الماتىداعى جوسىقسىز مەردىگەرلەر ءۇشىن ChatGPT ۇسىنعان جوندەۋ نۇسقاۋلىعىن ورناتتى, دەپ جازادى qandastar.kz

سىنىپتاردىڭ ورنىنا — جاتىن بولمەلەر, سپورتزالدىڭ ورنىنا — اسحانا, ال قالىپتى جاعدايدىڭ ورنىنا — شەكسىز داۋ-داماي. الماتىداعى يبرايم نۇسىپباەۆ اتىنداعى مەكتەپ-ينتەرناتتىڭ شىنايىلىعى وسىنداي.

عيماراتتى جوندەۋ 2022 جىلى باستالعان. جۇمىستار ءۇشىن 596,7 ميلليون تەڭگە بولىنگەن. مەردىگەر قايتا قۇرۋدى 2023 جىلدىڭ قاڭتارىنا دەيىن اياقتاۋعا ۋادە بەرگەن, الايدا مىندەتتەمەلەرىن ورىنداماي, جوسىقسىز دەپ تانىلدى. 2025 جىلى جوندەۋگە تاعى 300 ميلليون تەڭگە ءبولىنىپ, جاڭا ورىنداۋشىنى ىزدەۋ باستالدى. جالپى شىعىن كولەمى 900 ميلليون تەڭگەگە جۋىق, بىراق قالىپتى مەكتەپ ءالى دە جوق. مەكتەپ-ينتەرناتتا بۇگىندە 170 بالا امان قالۋدى جانە ءبىلىم الۋدى جالعاستىرۋدا — بۇل جەر بالانىڭ ءوزىن قاۋىپسىز سەزىنە الاتىن مەكەمەدەن گورى, قاراۋسىز قالعان عيماراتقا كوبىرەك ۇقسايدى.

“جاڭا ادامداردىڭ” الماتىداعى «حالىق قاھارى» جوباسى بالالاردىڭ شاڭ مەن بەتون ورتاسىندا وقىماۋى ءتيىس ەكەنىن جانە بيۋدجەتتەن بولىنگەن ميلليونداردىڭ ءىزسىز جوعالماۋى كەرەك ەكەنىن ەسكە سالادى. بەلسەندىلەر ينتەرنات عيماراتىنا «امان قالۋ VS ءبىلىم الۋ?» دەگەن سۇراعى بار ترانسپارانت ءىلىپ, ChatGPT ۇسىنعان نۇسقاۋلىقتى — جاۋاپتى جشس-گە ارنالعان جوندەۋدى ۇيىمداستىرۋ جونىندەگى قادامدىق ۇسىنىستار بار قۇجاتتى ورناتتى. بۇل باسسىزدىقتى تۋعىزعاندارعا ءدال وسىنداي نۇسقاۋلىق جەتىسپەگەن سەكىلدى.

نازىك حودجاگەلديەۆا, “جاڭا ادامدار”:

قۇرىلىس ماسەلەسى ءالى دە شەشىمىن تاپپادى. بۇل تۋرالى بىلەتىندەر از. سوندىقتان ءبىز ونى بارشاعا كورىنەتىندەي ەتىپ كوتەرۋدى ءجون كوردىك. وسىلايشا, كەم دەگەندە بىزگە ءبارىبىر ەمەس ەكەنى جانە قوعام قايتا قۇرۋدىڭ تەزىرەك اياقتالۋىن كۇتەتىنى بەلگىلى بولادى دەپ ۇمىتتەنەمىز.  بۇل سۇراق – جاي عانا سيمۆول ەمەس. بۇل – قوعامنىڭ ەستىلۋى ءتيىس جان-ايقايى.  جشس باسشىلارى, كەلەسى تەرگەۋدىڭ باستى كەيىپكەرلەرىنە اينالعىڭىز كەلمەسە, جۇمىستارىڭىزبەن اينالىسىڭىزدار.

بۇگىن, بالالاردى قورعاۋ كۇنىنە وراي, مەملەكەت باسشىسى قاسىم-جومارت توقاەۆتىڭ سوزدەرىن ەسكە سالعىمىز كەلەدى:

«بالالار – ءبىزدىڭ بولاشاعىمىز. سوندىقتان ەلىمىزدەگى ءاربىر جەتكىنشەكتىڭ مەيىرىم مەن قامقورلىققا بولەنىپ, ۇلكەننىڭ قولداۋىن سەزىنۋى, ەرتەڭگى كۇنگە سەنىممەن قاراۋى وتە ماڭىزدى».

مەكتەپتەر ميللياردتاعان شىعىندار ارتىنداعى بەيجايلىق سيمۆولى ەمەس, ءبىلىم ورداسى بولۋى كەرەك.

«حالىق قاھارى» ادىلەتتىلىك ءۇشىن كۇرەسىن جالعاستىرادى — جانە الماتىدا ءوز وقۋشىلارىنا لايىقتى مەكتەپ پايدا بولمايىنشا توقتامايدى