«جاڭا ادامدار» كامەلەت جاسقا تولماعان قىزعا قىزىعۋشىلىق تانىتقان پەدوفيلدەردى اشكەرەلەدى

فوتو: اشىق دەرەككوز

جاڭا ادامدار قوزعالىسىنىڭ «124» ازاماتتىق ناۋقانى كامەلەت جاسقا تولماعان قىزدىڭ الەۋمەتتىك جەلىدەگى پروفيلىنە ورىنسىز قىزىعۋشىلىق تانىتقان ەكى الەۋەتتى پەدوفيلدى اشكەرەلەدى, دەپ جازدى qandastar.kz

كوماندا 12 جاسار قىزدىڭ اتىنان جالعان انكەتا قۇردى. بۇل پروفيلگە بىردەن بىرنەشە انتيقاھارمان قىزىعۋشىلىق تانىتتى. سولاردىڭ ءبىرى ءبىرىنشى بولىپ ءوزىن «روزباي» دەپ تانىستىرىپ, بىرنەشە اي بويى قىزبەن حات الماسىپ, پورنوگرافيالىق مازمۇنداعى حابارلامالار جىبەردى. كەيىنىرەك ول جىنىستىق سيپاتتاعى تىكەلەي ۇسىنىستار جاساي باستادى جانە كەزدەسۋ تۋرالى كەلىستى. «نە ءۇشىن كەلدىڭ?» دەگەن سۇراققا: «ءبالىش جەۋگە كەلدىم», — دەپ جاۋاپ بەردى. ەكىنشىسى — لاقاپ اتى «پروستو نۋردا» — حات الماسۋدىڭ ورىنسىز ەكەنىن ءتۇسىنىپ, ونى قۇپيا ساقتاۋدى سۇرادى. ول دا ينتيمدىك سيپاتتاعى سۋرەتتەر جىبەرىپ, جەكە كەزدەسۋگە تىرىستى.

بەلسەندىلەر الەۋەتتى پەدوفيلدەردىڭ شىنايى ەسىمدەرىن انىقتادى. ءبىرىنشىسى — روزباي سۋلتانبەكوۆ, 17.02.1996 جىلى دۇنيەگە كەلگەن.  قۇرىلىستا ەڭبەك ەتەدى. ەكىنشىسى — امايدانوۆ نۋرداۋلەت, 20.10.2003 دۇنيەگە كەلگەن. ول دا قۇرىلىستا جۇمىس ىستەيدى.

كەزدەسۋ ولار ويلاعانداي بولمادى. ولار كەزدەسكىسى كەلگەن 12 جاسار قىزدىڭ ورنىنا شىنايىلىقپەن بەتپە-بەت كەلدى — ەكەۋىن دە كامەرا وبەكتيۆى جانە «جاڭا ادامدار» بەلسەندىلەرى دايىنداعان «قارابەت ءدالىزى» كۇتىپ تۇردى. ولاردىڭ بارلىق حابارلامالارى مەن سۋرەتتەرى تىركەلدى. شىن ەسىمدەرى, نيەتتەرى جانە ايعاقتار — وزدەرىمەن بىرگە قۇقىق قورعاۋ ورگاندارىنا تاپسىرىلدى.