«Jańa adamdar» kámelet jasqa tolmaǵan qyzǵa qyzyǵýshylyq tanytqan pedofılderdi áshkereledi

Foto: ashyq derekkóz

Jańa adamdar qozǵalysynyń «124» azamattyq naýqany kámelet jasqa tolmaǵan qyzdyń áleýmettik jelidegi profıline orynsyz qyzyǵýshylyq tanytqan eki áleýetti pedofıldi áshkereledi, dep jazdy qandastar.kz

Komanda 12 jasar qyzdyń atynan jalǵan anketa qurdy. Bul profılge birden birneshe antıqaharman qyzyǵýshylyq tanytty. Solardyń biri birinshi bolyp ózin «Rozbaı» dep tanystyryp, birneshe aı boıy qyzben hat almasyp, pornografııalyq mazmundaǵy habarlamalar jiberdi. Keıinirek ol jynystyq sıpattaǵy tikeleı usynystar jasaı bastady jáne kezdesý týraly kelisti. «Ne úshin keldiń?» degen suraqqa: «Bálish jeýge keldim», — dep jaýap berdi. Ekinshisi — laqap aty «Prosto Nýrda» — hat almasýdyń orynsyz ekenin túsinip, ony qupııa saqtaýdy surady. Ol da ıntımdik sıpattaǵy sýretter jiberip, jeke kezdesýge tyrysty.

Belsendiler áleýetti pedofılderdiń shynaıy esimderin anyqtady. Birinshisi — Rozbaı Sýltanbekov, 17.02.1996 jyly dúnıege kelgen.  Qurylysta eńbek etedi. Ekinshisi — Amaıdanov Nýrdaýlet, 20.10.2003 dúnıege kelgen. Ol da qurylysta jumys isteıdi.

Kezdesý olar oılaǵandaı bolmady. Olar kezdeskisi kelgen 12 jasar qyzdyń ornyna shynaıylyqpen betpe-bet keldi — ekeýin de kamera obektıvi jáne «Jańa adamdar» belsendileri daıyndaǵan «qarabet dálizi» kútip turdy. Olardyń barlyq habarlamalary men sýretteri tirkeldi. Shyn esimderi, nıetteri jáne aıǵaqtar — ózderimen birge quqyq qorǵaý organdaryna tapsyryldy.