“جاڭا ادامدار” كاسپيدىڭ تاعدىرىنا الاڭداپ, ۇندەۋ جاسادى

فوتو: اشىق دەرەككوز

26-قىركۇيەكتە حالىقارالىق تەڭىز كۇنى اتالىپ وتەدى. بۇل مەيرام كوپ جىلدار بويى ادامنىڭ ىسىراپشىلدىعى مەن تەڭىزگە دەگەن تۇتىنۋشىلىق قارىم-قاتىناسىنان تۋىنداعان ماسەلەلەردىڭ ماڭىزدىلىعىن كورسەتۋى كەرەك, دەپ حابارلايدى qandastar.kz.

كاسپي تەڭىزى – قازاقستاننىڭ باستى مۇرالارىنىڭ ءبىرى, جانە ءبىز ونى جوعالتۋدامىز! كەن ءوندىرۋ ناتيجەسىندەگى تابيعي اۋماقتىڭ لاستانۋى بىرەگەي بالىقتار مەن جانۋارلاردىڭ قىرىلۋىنا اكەلۋدە, ولاردىڭ كەيبىر تۇرلەرىنە جويىلۋ قاۋپى ءتونىپ تۇر. ميلليونداعان يتبالىقتار كەزىندە كاسپيدى ءوز قونىستارى رەتىندە سانادى. مامانداردىڭ مالىمەتتەرى بويىنشا, قازىر ولاردىڭ سانى 60 مىڭنان اسپايدى. جىل سايىن تەڭىزگە 200 مىڭ توننا مۇناي مەن 100 ميلليون تەكشە مەتردەن استام تازارتىلماعان اعىندى سۋلار قۇيىلادى. لاس سۋلار مەن مۇناي ونىمدەرى قازىردىڭ وزىندە تەڭىزدى جۇقپالى اۋرۋلاردىڭ وشاعىنا اينالدىردى.

ءبىز ءوز قولىمىزبەن ءوڭىرىمىزدىڭ ماقتانىشى, ءىنجۋ-مارجانى كاسپيدى قۇرتىپ جاتىرمىز. ءوزىمىز كەلەشەك اپاتقا نازار اۋدارۋدى دوعاردىق. بۇل تەك قازاقستان تۋرالى ەمەس. جاۋاپكەرشىلىك تەڭىزگە شىعا الاتىن بارلىق ەلدەرگە جۇكتەلەدى. كاسپيدىڭ جاعدايى جاعالاۋىندا ورنالاسقان بارلىق بەس ەلدىڭ شۇعىل نازار اۋدارۋىن تالاپ ەتەدى. تابيعات بەرەتىن SOS دابىلدارىن ەلەمەي جۇرە بەرۋگە بولمايدى.

دابىل سوعاتىن كەز كەلدى! حالىقارالىق تەڭىز كۇنىندە استانادا, «جاڭا ادامدار» كاسپي تەڭىزىنە شىعا الاتىن ەلدەردىڭ ەلشىلىكتەرى ماڭىندا, سۋ قويماسىنىڭ اپاتتى جاعدايىن ەسكە سالاتىن 4 مەترلىك ارت-نىساندارىن ورناتتى. ءاربىر نىسانعا, كاسپي تەڭىزىن ساقتاۋ تاقىرىبى ماڭىزدى دەپ سانايتىن ادامدار قاعا الاتىن, «دابىل» بەكىتىلگەن. ناۋقانعا استانا تۇرعىندارى بەلسەنە قاتىستى. كۇنى بويى ەلشىلىك وكىلدەرى ءۇشىن دابىل قاعىلدى.

«جاڭا ادامدار» ازەربايجان, يران, تۇرىكمەنستان, رەسەي جانە قازاقستان تۇرعىندارىنا جولداۋ جاسايدى. ءبىز كۇش-جىگەرىمىزدى بىرىكتىرۋگە شاقىرامىز, ويتكەنى كاسپي – ءبىزدىڭ ورتاق مۇرامىز. ساياساتكەرلەر, كاسىپكەرلەر, ءىرى مۇناي كورپوراتسيالارى, عالىمدار, ەكولوگتار, قاراپايىم حالىق – ءبارى بىرگە بۇل ماسەلەنى شەشۋمەن اينالىسۋى كەرەك. قانشالىقتى تەزىرەك بولسا, سونشالىقتى جاقسىراق.