«جاڭا ادامدار» پەدوفيلدەرمەن كۇرەستىڭ جاڭا ءادىسىن تاپتى

 فوتو: جەكە قورىنان 

«جاڭا ادامداردىڭ» «124» ازاماتتىق ناۋقانىنىڭ بەلسەندىلەرى الەۋمەتتىك ەكسپەريمەنت جۇرگىزدى. كامەلەت جاسىنا تولعان بەلسەندى تانىمال مەسسەندجەردە پروفيل قۇرىپ, جاسىن 12 دەپ بەلگىلەدى. كىشكەنتاي قىز بىردەن بىرنەشە جاڭا تانىستار تاپتى, – دەپ جازادى qandastar.kz

ولار بالانىڭ جاسىنان قىسىلمادى. بار-جوعى بىرنەشە ساعات ىشىندە الەۋەتتى ازعىندار بەلسەنىپ, پاسىق ۇسىنىستارىن جازا باستادى. ەڭ تاباندىسى ءوزىن «ناريمان» دەپ تانىستىرعان جاس جىگىت بولدى. ول بالاعا جىنىستىق قاتىناستى اشىق تۇردە ۇسىنا باستادى. قىزدىڭ ابدىراپ, بۇل نە دەگەن ساۋالىنا ناريمان: «سەن توسەككە جاتاسىڭ, قالعانىن سول كەزدە كورسەتەمىن», – دەپ جاۋاپ بەردى. جاس ماسەلەسى پەدوفيلدى الاڭداتپادى دا. حابارلامادا ول: «مەن جاي عانا جىنىستىق قاتىناسقا تۇسسەم بولعانى, ءتىپتى سەن 2 ايلىق بولساڭ دا, سەنەن باس تارتپايمىن», – دەدى.

الەۋەتتى ازعىن استانا قالاسىنىڭ تۇرعىنى 24 جاستاعى ناريمان ب. بولىپ شىقتى. ناريمان بىرنەشە كۇن بويى ءوز دەگەنىنەن قايتپاي, كەزدەسۋدى ۇسىندى. «124» بەلسەندىلەرى وعان بۇل كەزدەسۋدى ۇيىمداستىرىپ بەردى. پەدوفيل كينورۋمدا كەزدەسۋدى شەشتى. الايدا, ونى كورۋگە 12 جاسار بالانىڭ ورنىنا بىرنەشە ونداعان «جاڭا ادامدار» بەلسەندىلەرى كەلدى. پەدوفيل «قارابەت دالىزىنەن» وتۋگە ءماجبۇر بولدى, ال قوعامدىق جازا رەتىندە كەڭىنەن تانىمال رەزەڭكە بۇيىم استىندا قالدى.

بەلسەندىلەردىڭ ورنىندا شىن كىشكەنتاي بالا بولسا, نە بولاتىنىن ەلەستەتۋدىڭ ءوزى قورقىنىشتى. قازاقستان رەسپۋبليكاسىنىڭ قىلمىستىق كودەكسىندە 124-باپ – «ون التى جاسقا تولماعان ادامداردى ازعىندىق جولعا ءتۇسىرۋ» تۋرالى قامتيدى. «124» ازاماتتىق ناۋقانىنىڭ بەلسەندىلەرى بالالاردىڭ قاۋىپسىزدىگى ءۇشىن الەۋەتتى پەدوفيلدەردى انىقتاپ, ولاردىڭ ەسىمدەرىن جاريا ەتۋدى جالعاستىرادى. كەز كەلگەن ازعىن كەزدەسۋگە كوندىرەتىن بالانىڭ ورنىنا رەزەڭكە بۇيىمدارى بار, ونىڭ بەتىنە باسۋعا قاۋقارلى, شىمىر جىگىتتەر كەلۋى مۇمكىن ەكەنىن جاقسىلاپ ەستە ساقتاۋى كەرەك.