جاڭا ادامدار”: جاڭا ەلتاڭبامىز جايلى ويلانار كەز كەلدى

كەز كەلگەن مەملەكەتتىڭ باستى رامىزدەرىنىڭ قاتارىندا ەلدىڭ ەلتاڭباسى تۇرادى. ەلتاڭبا — ەلىمىزدىڭ بوستاندىعى مەن تەكتىلىگىنىڭ, ەركىندىگىنىڭ, كەڭدىگىنىڭ, پاراساتتىلىعىنىڭ, ادامگەرشىلىگىنىڭ بەلگىسى ەكەنى داۋسىز. وسى ورايدا “جاڭا ادامدار” جاستار قوزعالىسى جاڭا ەلتاڭبا جايلى ويلانار شاعىمىز كەلگەنىن تىلگە تيەك ەتۋدە.

ء“بىز بىلەتىن ەلتاڭبا  قۇندىلىقتارىمىز جايلى سىر شەرتپەيدى ءارى بولاشاققا جول سىلتەر ءرامىز ەمەس. ساۋالناماعا قاتىسقان قازاقستاندىقتاردىڭ 70%-ى
ەلتاڭبامىزدى تاني المادى.

ءبىز, جاڭا ادامدار,  جاۋاپكەرشىلىگى زور ماقساتتارعا بەت العان جاس مەملەكەتكە تىڭ كوزقاراستاعى جاڭا ءرامىزدىڭ كەرەك ەكەنىن سەنىمدىلىكپەن جەتكىزگىمىز كەلەدى. جاڭا ەلتاڭبا — جاھاندىق وزگەرىستەر ورىن العان شاقتا ءبىزدىڭ مەملەكەتىمىزدىڭ ناقتى ورنى قايدا ەكەنىنە جاۋاپ بەرۋى كەرەك”,-دەيدى “جاڭا ادامدار” جاستار قوزعالىسى

سونىمەن قاتار, “جاڭا ادامدىقتار” كوشەلەر مەن ءار شاڭىراققا قويۋعا بولاتىن ەلتاڭبانىڭ قاجەتتىلىگىن باسا ايتادى.

“قازاقستاننىڭ تاعدىرى — ەلىمىزدىڭ شەكاراسىندا بەلگىلەنگەن. دەمەك ءبىزدىڭ تاريح بەتتەرىنەن جوعالماي, ەركىندىگىمىز بەن قاسيەتتى ۇستانىمدارىمىزدى ۇران ەتىپ, الەمدەگى ناقتى ورنىمىزدى ايقىنداۋدا ەلتاڭبامىز حالىقتى جۇمىلدىرۋى ءتيىس. پرەزيدەنت توقاەۆ بۇل شارتتاردى ناقتى سيپاتتاعانداي:

«جارقىن بولاشاققا دەگەن سەنىمى جوق حالىق — تۇعىرلى مەملەكەت قۇرا المايدى. حالقىمىزدىڭ رۋحىن كوتەرەتىن بىرلىك.
… ەل ساناسىندا بىرلىك بولۋى ءتيىس».

ەگەردە بارشامىزعا قالاۋلى, جاڭا سيمۆول بولماق بولسا, ءار شاڭىراق پەن كوشەلەرگە بەينەلەنەتىن ءرامىزدى قالايتىن بولساق, وندا جاڭا ەلتاڭبانىڭ قانداي بولارىن شەشەتىن حالىق بولۋى ءتيىس”,-دەيدى “جاڭا ادامدار” جاستار قوزعالىسى

جاستار ايتسا, ايتقانداي-اق, ەلتاڭباداعى ءدال شەكەسىندەگى بەس جۇلدىز قازاقستاندىقتار ءۇشىن كوممۋنيزمدى ەسكە سالاتىنداي.

جاستاردى عانا ەمەس, “ەلتاڭبا ەلدىگىمىزگە لايىق پا” دەگەن سۇراق ءار قازاقتى مازالاۋى ءتيىس. ءسىز قالاي ويلايسىز, وقىرمان?
“Qandastar” سىلتەيدى