Jańa adamdar”: Jańa eltańbamyz jaıly oılanar kez keldi

Kez kelgen memlekettiń basty rámizderiniń qatarynda eldiń eltańbasy turady. Eltańba — elimizdiń bostandyǵy men tektiliginiń, erkindiginiń, keńdiginiń, parasattylyǵynyń, adamgershiliginiń belgisi ekeni daýsyz. Osy oraıda “Jańa adamdar” Jastar Qozǵalysy jańa eltańba jaıly oılanar shaǵymyz kelgenin tilge tıek etýde.

“Biz biletin eltańba  qundylyqtarymyz jaıly syr shertpeıdi ári bolashaqqa jol silter rámiz emes. Saýalnamaǵa qatysqan qazaqstandyqtardyń 70%-y
eltańbamyzdy tanı almady.

Biz, Jańa adamdar,  jaýapkershiligi zor maqsattarǵa bet alǵan jas memleketke tyń kózqarastaǵy jańa rámizdiń kerek ekenin senimdilikpen jetkizgimiz keledi. Jańa eltańba — jahandyq ózgerister oryn alǵan shaqta bizdiń memleketimizdiń naqty orny qaıda ekenine jaýap berýi kerek”,-deıdi “Jańa adamdar” Jastar qozǵalysy

Sonymen qatar, “Jańa adamdyqtar” kósheler men ár shańyraqqa qoıýǵa bolatyn eltańbanyń qajettiligin basa aıtady.

“Qazaqstannyń taǵdyry — elimizdiń shekarasynda belgilengen. Demek bizdiń tarıh betterinen joǵalmaı, erkindigimiz ben qasıetti ustanymdarymyzdy uran etip, álemdegi naqty ornymyzdy aıqyndaýda eltańbamyz halyqty jumyldyrýy tıis. Prezıdent Toqaev bul sharttardy naqty sıpattaǵandaı:

«Jarqyn bolashaqqa degen senimi joq halyq — tuǵyrly memleket qura almaıdy. Halqymyzdyń rýhyn kóteretin birlik.
… El sanasynda birlik bolýy tıis».

Egerde barshamyzǵa qalaýly, jańa sımvol bolmaq bolsa, ár shańyraq pen kóshelerge beınelenetin rámizdi qalaıtyn bolsaq, onda jańa eltańbanyń qandaı bolaryn sheshetin halyq bolýy tıis”,-deıdi “Jańa adamdar” Jastar Qozǵalysy

Jastar aıtsa, aıtqandaı-aq, eltańbadaǵy dál shekesindegi bes juldyz qazaqstandyqtar úshin kommýnızmdi eske salatyndaı.

Jastardy ǵana emes, “Eltańba eldigimizge laıyq pa” degen suraq ár qazaqty mazalaýy tıis. Siz qalaı oılaısyz, oqyrman?
“Qandastar” silteıdi