جاڭالىقتار
“جاڭا ادامداردىڭ” 1000 بەلسەندىسى مەرزىمى وتكەن “ساناعا” قارسى شىقتى
فوتو: جەكە قورىنان
الماتىدا جاڭا ادامداردىڭ 1000 بەلسەندىسى مەرزىمى وتكەن ساناعا قارسى ميتينگكە شىقتى, دەپ جازادى qandastar.kz
باستاپقىدا ناۋقان الماتى دۇكەندەرىندەگى مەرزىمى وتكەن ونىمدەر ساتىلىمىنا نارازىلىق ءبىلدىرۋ تۋرالى بولۋى كەرەك ەدى. الايدا, ءىس-شاراعا دايىندىق بارىسىندا سورەلەردەگى مەرزىمى وتكەن ونىمدەر – مەرزىمى وتكەن سانا ماسەلەسىنىڭ كورىنەتىن بولىگى عانا ەكەنى بەلگىلى بولدى. ال بۇل ماسەلە ەل ءۇشىن الدەقايدا قاۋىپتى.
30 قاراشادا جاڭا ادامداردىڭ 1000-نان استام بەلسەندىلەرى مەن جاقتاستارى: «مەرزىمى وتكەنگە جوق!» دەپ ايتۋ ءۇشىن كوشەگە شىقتى. «مەرزىمى وتكەن ءونىم» دەگەن نە? مەرزىمى وتكەن ءونىم — بۇل مەرزىمى وتكەن تاۋاردى ەسەپتەن شىعارۋ مەن ونى جاسىرىپ ساتۋ اراسىنداعى تاڭداۋ ەمەس. بۇل ءبىز ءۇشىن نە ماڭىزدىراق ەكەنى تۋرالى سۇراق: ازىراق سوما الۋ, بىراق ادال ادام بولىپ قالۋ ما, الدە الداپ, كوبىرەك پايدا كورۋ مە? وكىنىشكە وراي, بۇل فورمۋلا تەك مەرزىمى وتكەن تاۋارلارعا عانا قاتىستى ەمەس.
باسىندا ناۋقان الماتى اكىمدىگى بۇقارالىق ءىس-شارالار وتكىزۋگە بولەتىن الاڭداردىڭ بىرىندە وتكىزىلەدى دەپ جوسپارلاندى. الايدا, جاڭا ادامدار ۇلكەن شەرۋدى وتكىزۋگە رۇقسات الا المادى. اكىمدىك قىزمەتكەرلەرى ۇيىمداستىرۋشىلاردىڭ بىرنەشە رەت بەتىن قايتارىپ, بارلىق قولايلى الاڭداردىڭ بوس ەمەستىگىن العا تارتتى. ناتيجەسىندە ناۋقان ورنىن كوككيناكي 7 كوشەسىندەگى جاڭا ادامدار كامپۋسىنا اۋىستىرۋعا تۋرا كەلدى.
ناۋقان قاتىسۋشىلارى ۇستاعان پلاكاتتار ب ۇلىنگەن تاۋارلار ساتاتىن دۇكەندەر مەكەنجايلارىمەن عانا شەكتەلمەدى. بىرەۋ ءوزىنىڭ مەرزىمى وتكەن ساناسى تۋرالى جەكە وقيعاسىن جاريالاۋدى ۇيعاردى: پايدا ءۇشىن مۇعالىمدى, اتا-انانى, قىزدى الداۋ. ال الماتىلىق جاڭا ادامدار كامپۋسىنىڭ كوشباسشىسى ۆلاديمير يزيۋمنيكوۆ «الماتى اكىمدىگىنىڭ مەرزىمى وتكەن ساناسى» دەگەن جازۋى بار ترانسپارانتتى دايىندادى. شارا سوڭىندا بەلسەندىلەر وزدەرىنىڭ پلاكاتتارىن الىپ, مەرزىمى وتكەن سانانى بەينەلەيتىن, شىرىگەن ميعا بەكىتتى.
ۆلاديمير يزيۋمنيكوۆ, الماتىلىق «جاڭا ادامدار» كامپۋسىنىڭ كوشباسشىسى:
«مەرزىمى وتكەن ونىمدەر ءبىزدىڭ دۇكەن سورەلەرىنەن تەك قازاقستاننىڭ ءاربىر تۇرعىنى: «مەنىڭ قادىر-قاسيەتىم — الداۋ ارقىلى كەلگەن پايدادان جوعارى. مەنىڭ ادالدىعىم — الداۋ مەن وتىرىك ارقىلى كەلگەن پايدادان الدەقايدا قىمبات», — دەپ ايتقان كەزدە عانا جويىلادى. وزگەرىستەردى وزدەرىڭىزدەن باستاڭىزدار جانە كۇندەلىكتى جۇمىستا, تۇرمىستا, قارىم-قاتىناستا مەرزىمى وتكەن سانادان باس تارتىڭىزدار».
