“Jańa adamdardyń” 1000 belsendisi merzimi ótken “sanaǵa” qarsy shyqty

Foto: jeke qorynan

Almatyda Jańa adamdardyń 1000 belsendisi merzimi ótken sanaǵa qarsy mıtıngke shyqty, dep jazady qandastar.kz

Bastapqyda naýqan Almaty dúkenderindegi merzimi ótken ónimder satylymyna narazylyq bildirý týraly bolýy kerek edi. Alaıda, is-sharaǵa daıyndyq barysynda sórelerdegi merzimi ótken ónimder – merzimi ótken sana máselesiniń kórinetin bóligi ǵana ekeni belgili boldy. Al bul másele el úshin áldeqaıda qaýipti.

30 qarashada Jańa adamdardyń 1000-nan astam belsendileri men jaqtastary: «Merzimi ótkenge joq!» dep aıtý úshin kóshege shyqty. «Merzimi ótken ónim» degen ne? Merzimi ótken ónim — bul merzimi ótken taýardy esepten shyǵarý men ony jasyryp satý arasyndaǵy tańdaý emes. Bul biz úshin ne mańyzdyraq ekeni týraly suraq: azyraq soma alý, biraq adal adam bolyp qalý ma, álde aldap, kóbirek paıda kórý me?  О́kinishke oraı, bul formýla tek merzimi ótken taýarlarǵa ǵana qatysty emes.

Basynda naýqan Almaty ákimdigi buqaralyq is-sharalar ótkizýge bóletin alańdardyń birinde ótkiziledi dep josparlandy. Alaıda, Jańa adamdar úlken sherýdi ótkizýge ruqsat ala almady. Ákimdik qyzmetkerleri uıymdastyrýshylardyń birneshe ret betin qaıtaryp, barlyq qolaıly alańdardyń bos emestigin alǵa tartty. Nátıjesinde naýqan ornyn  Kokkınakı 7 kóshesindegi Jańa adamdar Kampýsyna aýystyrýǵa týra keldi.

Naýqan qatysýshylary ustaǵan plakattar búlingen taýarlar satatyn dúkender mekenjaılarymen ǵana shektelmedi. Bireý óziniń merzimi ótken sanasy týraly jeke oqıǵasyn jarııalaýdy uıǵardy: paıda úshin muǵalimdi, ata-anany, qyzdy aldaý. Al almatylyq Jańa adamdar kampýsynyń kóshbasshysy Vladımır Izıýmnıkov «Almaty ákimdiginiń merzimi ótken sanasy» degen jazýy bar transparantty daıyndady. Shara sońynda belsendiler ózderiniń plakattaryn alyp, merzimi ótken sanany beıneleıtin, shirigen mıǵa bekitti.

Vladımır Izıýmnıkov, almatylyq «Jańa adamdar»  kampýsynyń kóshbasshysy:  

«Merzimi ótken ónimder bizdiń dúken sórelerinen tek Qazaqstannyń árbir turǵyny: «Meniń qadir-qasıetim — aldaý arqyly kelgen paıdadan joǵary. Meniń adaldyǵym — aldaý men ótirik arqyly kelgen paıdadan áldeqaıda qymbat», — dep aıtqan kezde ǵana joıylady. О́zgeristerdi ózderińizden bastańyzdar jáne kúndelikti jumysta, turmysta, qarym-qatynasta merzimi ótken sanadan bas tartyńyzdar».