Jańalyqtar
«Jańa adamdardyń» akııasynan soń Almatydaǵy kóshede jaryq qaıta jandy
Foto: ashyq derekkóz
«Jańa adamdar» uıymdastyrǵan aýqymdy «Soqyr trıo! Jaryq ber!» akııasynyń arqasynda tórt jyldan keıin M. Áýezov kóshesi, 126A mekenjaıyndaǵy aýlada jaryq qalpyna keltirildi, dep jazady qandastar.kz
Qyrkúıek aıynda júzden astam belsendiler men aýla turǵyndary máselege qalalyq bıliktiń nazaryn aýdartý úshin birlesken beıneúndeý jazdy. Beınejazba jarııalanymynan eki kún ótken soń jaýapty qyzmetter shamdardy ornatty. Alaıda, turǵyndardyń qýanyshy uzaqqa sozylmady — kóp uzamaı jaryq qaıtadan sóndi. Turǵyndar máseleni túsindirýin talap etip, qalalyq qyzmetterge jappaı qońyraý shaldy. Bir aptadan soń jaryq qaıta qosylyp, sodan beri barlyǵy úshin qaýipsizdik pen jaılylyqty qamtamasyz etip, turaqty jumys istep tur.
«Gorod» azamattyq naýqany Almaty turǵyndaryn áleýmettik jelilerde #LaıtmenKerek heshtegimen sýret jáne beınejazba jarııalap, uqsas máseleler týraly aqparatpen bólisýge shaqyrady.
