«جاڭا ادامداردىڭ» ەكسپەريمەنتى: الماتى تاكسيستتەرى قىزدارعا تاعى الىمساقتىق جاساپ, ءتىپتى ەسىرتكى ۇسىندى

فوتو: اشىق دەرەككوز

تاكسيگە وتىرعان ءاربىر جولاۋشى قۇرمەت پەن قاۋىپسىزدىكتى كۇتەدى. بىراق قانداي دا ءبىر سەبەپتەرمەن, شاقىرىلعان كولىكپەن جول ءجۇرۋ كوپتەگەن قىزدار ءۇشىن ناعىز سىناققا اينالادى, دەپ جازادى qandastar.kz

«جاڭا ادامداردىڭ» «تۇمار» ازاماتتىق ناۋقانى بەلسەندىلەرى الماتىدا تاعى دا رەيد جۇرگىزدى. قىزدار ارنايى قوسىمشا ارقىلى تاكسيگە تاپسىرىس بەردى جانە ساپاردى بەينەجازباعا ءتۇسىرىپ الدى. ناتيجەلەر كوڭىل كونشىتپەيدى. جۇرگىزۋشىلەر وزىنە ورىنسىز سۇراقتار قويۋعا, ەرسى ۇسىنىستار جاساۋعا, ادەپسىز سىعالاۋعا,  ءتىپتى ەسىرتكى ۇسىنۋعا ەرىك بەردى. قىزدار كۇندەلىكتى ساپار كەزىندە وسىنداي قارىم-قاتىناسقا تاپ بولادى.

دوستارىمىز, اپكەلەرىمىز, انالارىمىز تاكسيدە كەلە جاتقاندا, قاشانعى ۋايىمداي بەرمەكپىز? جۇرگىزۋشىلەردىڭ بۇل ارەكەتتەرىنىڭ سەبەبى –  جازاسىزدىق.

«تۇمار» بەلسەندىلەرى جۇيەلى رەيدتەر جۇرگىزىپ, وزدەرىنە جولاۋشى قىزداردىڭ جەكە شەكاراسىن بۇزۋعا ەرىك بەرەتىن جۇرگىزۋشىلەردىڭ جۇزدەرىن جاريا ەتۋدى جالعاستىرادى.  «جاڭا ادامدار» قىزداردى ەندى ءۇنسىز قالماۋعا شاقىرادى. تاكسيدەگى الىمساقتىق  جاعدايلارى تۋرالى ايتىڭىزدار, پوليتسياعا ارىز جازىڭىزدار. ولار ەندى ءبىزدىڭ قورقىنىشىمىزدىڭ ارتىنا جاسىرىنا المايدى. ەرتە مە, كەش پە, ولاردىڭ ارەكەتتەرى بۇكىل قازاقستانعا بەلگىلى بولادى.