“جاڭا ادامداردىڭ” ەكسپەريمەنتى: استانادا ەرەسەكتەر بالالارعا ىشىمدىك ساتىپ الىپ بەرگەن

فوتو: اشىق دەرەككوز

ۆيدەو: https://drive.google.com/drive/folders/1Oqzd8dKaKfdSICheVvQklYIYUBoGYZDX?usp=sharing

“جاڭا ادامداردىڭ” “زاڭ» ازاماتتىق ناۋقانى كامەلەتكە تولماعاندارعا ىشىمدىك ساتۋمەن كۇرەسەدى. ادەتتە زاڭ بەلسەندىلەرى قالاداعى ساۋدا ورىندارىنا رەيدكە شىعىپ, تەكسەرۋ ساتىلىمدار جاساپ, ساتۋشىلاردى جاۋاپكەرشىلىككە تارتادى.

بىراق بۇل جولى استانا كوشەلەرىندە الەۋمەتتىك ەكسپەريمەنت جۇرگىزۋگە جۇمىلدى. ەكسپەريمەنت ناتيجەسى ماسەلەنىڭ تەك ساتۋشىلاردا ەمەس ەكەنىن كورسەتتى, – دەپ جازادى qandastar.kz

استانا كوشەلەرىندە جەتكىنشەك بالا ءوتىپ بارا جاتىرعان جۇرگىنشىلەردەن ىشىمدىك ساتىپ الىپ بەرۋىن سۇرادى. زەرتتەۋ كوڭىل كونشىتپەدى. ءار ءۇشىنشى جۇرگىنشى بالانىڭ ءوتىنىشىن ورىنداۋعا كەلىستى. ولاردىڭ باسىم بولىگى جاقسىلىق جاساپ جاتىرمىز دەپ, ءوز ايىبىن تۇسىنبەدى. وزدەرى تيگىزىپ جاتىرعان زيان تۋرالى ويلاماي, بالالارعا ىشىمدىك ساتىپ الىپ بەردى. شىن مانىندە, ولاردىڭ دۇكەندەردە كامەلەتكە تولماعاندارعا ىشىمدىك ساتاتىنداردان ەش ايىرماشىلىعى جوق.

مۇنداعى ايرىقشا ەرەكشەلىك – بالاعا ىشىمدىكتىڭ ورنىنا جەمىس شايىن ساتىپ الىپ بەرگەن ادام بولدى. ول مۇنى اكە رەتىندە بالالاردىڭ, ءوزىنىڭ دە, باسقالارىنىڭ دا ىشىمدىك ىشكەنىن قالامايتىنىمەن ءتۇسىندىردى. مۇنداي جاعداي سيرەك كەزدەسەدى,بۇل ارامىزدا ءبارىمىز ۇلگى الارلىق ادامداردىڭ ازايماعانىن كورسەتەدى.