جاڭالىقتار
«جاڭا ادامداردىڭ» ەكسپەريمەنتى: جولاۋشى قىزعا تيىسكەن تاكسيست ماسەلەنى اقشامەن شەشۋگە تىرىسقان
ساپار بارىسىندا جۇرگىزۋشى دورەكىلىك تانىتىپ, قىزعا تيىسە باستادى. ونىڭ ورىنسىز ارەكەتى ۇيالى تەلەفون كامەراسىنا ءتۇسىپ قالدى. ەرپولات جانىنداعى جولاۋشىنىڭ قاراپايىم قىز ەمەس ەكەنىن, ارتتارىنان كۇزەت كولىگى ەرىپ كەلە جاتقانىن تۇسىنگەندە ەسىكتى ق ۇلىپتاپ, قىزبەن بىرگە قاشىپ كەتۋگە تىرىستى. قىسقا ۋاقىتقا سوزىلعان قۋعىن بارىسىندا تاكسيست كولىگىنىڭ ءنومىرىن جوعالتىپ الدى.
وقيعاعا قاتىستى بەينەجازبا جاريالانعاننان كەيىن ەرپولات «جاڭا ادامداردىڭ» كامپۋسىنا كەلىپ, ماسەلەنى «تىنىش » شەشۋگە تىرىستى. جۇرگىزۋشى بەينەجازبانى جەلىدەن ءوشىرۋ ءۇشىن اقشا ۇسىندى. بىراق ول جۇزەگە اسپادى. ەرپولاتتىڭ جاساعان ارەكەتىن ونىڭ ايەلى, تۋىستارى جانە ينتەرنەتتەگى بەينەجازبانىڭ 2,5 ميلليوننان استام كورەرمەنى ءبىلىپ ۇلگەردى.
اقىرىندا ەرپولات كامپۋسقا قايتا كەلدى. بۇل جولى اقشا ۇسىنۋعا ەمەس, كەشىرىم سۇراۋعا. كولىك جۇرگىزۋشىسى ءوزى الىمساقتىق جاساعان قىزدىڭ الدىندا كەشىرىم سۇرادى. بۇل وقيعا ەرپولات امانجول ۇلىنا شىنىمەن اسەر ەتىپ, دۇرىس قورىتىندى شىعارادى دەپ ۇمىتتەنەمىز.
تۇمار ازاماتتىق ناۋقانىنىڭ ستاتيستيكاسىنا سايكەس, قىزداردىڭ 67%-ى تاكسيدە الىمساقتىققا تاپ بولادى. الايدا قۇربانداردىڭ باسىم بولىگى بۇل وقيعالاردى جاريالاماي-اق قويۋدى ءجون كورەدى. ولارعا بۇل تۋرالى ەستەن شىعارعان وڭايىراق. جاڭا ادامدار ەسكە سالادى: وسىنداي جاعدايلاردى جاريا ەتۋ عانا بولاشاقتا ولاردىڭ الدىن الاتىن بولادى. الىمساقتىق وقيعالارى تۋرالى ايتىپ, پوليتسياعا ارىز جازىڭىزدار, ازعىنداردىڭ جۇزدەرىن كورسەتىڭىزدەر. ولار ءوز ارەكەتتەرىنىڭ بۇكىل ەلگە ءمالىم بولۋىنان عانا سەسكەنەدى.
