Jańa adamdardyń jańa kúresi: Qostanaıdaǵy balalar aýrýhanasyn «qaıtarý» kerek

Foto: ashyq derekkóz

Qostanaıdaǵy balalar aýrýhanasy alty jyldan beri jabyq tur. 2,7 mıllıard teńge bólingen jóndeý jumystary júzege asyrylmaǵan. Jańa adamdardyń «Halyq Qahary» azamattyq naýqany belsendileri mıllıardtaǵan teńge iz-tússiz joǵalmaýy kerek ekenin jáne másele umytylmaýy tıis ekenin eske salý úshin qalaǵa qaıta oraldy, dep habarlaıdy qandastar.kz

Bul oqıǵa 2019 jyly oblystyq balalar aýrýhanasy kúrdeli jóndeýge jabylǵan kezde bastaldy. Bastapqyda jobaǵa 1,2 mıllıard teńge bólingen, keıin taǵy 1,5 mıllıard teńge qosymsha bólindi. Alaıda alty jyl ótse de, ǵımarat jóndelmegen kúıinde tur. Ata-analar balalaryn emdetý úshin basqa aýdandardan medıınalyq kómek izdeýge májbúr.

Bastapqy kezden-aq jóndeý jumystaryna oblystyq densaýlyq saqtaý basqarmasynyń basshysy Danııar Djandaev jaýapty bolǵan. 2023 jyly «Halyq Qahary» belsendileri Djandaevqa áreketsizdigi úshin halyqtyq antıjúldeni — «qara tańbany» tabystaǵan bolatyn. Sol kezde sheneýnik kinásin moıyndamaı, áleýmettik jelilerde janjal shyǵardy. Búgin belsendiler basqarma ǵımaratynyń aldyna úsh metrlik «Halyq Qahary» stelasyn ornatyp, jaýapkershilikten qashyp qutylý múmkin emes ekenin jáne mindettemeler oryndalýy tıis ekenin eske saldy.

«Halyq Qahary» azamattyq naýqanynyń jetekshisi Alıhan Sarsenov: «Biz – jyly kabınetterden daýsyn estimeıtinderdiń atynan sóıleımiz. Halyqtyń qaharynyń sımvoly retinde úsh metrlik stela ornatyp, Qostanaı oblysynyń densaýlyq saqtaý basqarmasyna naqty suraq qoıdyq: «Aýrýhana qaıda?» Bul – balalar men qoǵam aldyndaǵy boryshty eske salý. Biz densaýlyq saqtaý basqarmasy tıisti sharalar qabyldap, aýrýhananyń jóndeýin sońyna deıin jetkizedi dep sengimiz keledi».

Aýrýhanalar emdeýi kerek, jóndeýdi kútip bos turmaýy tıis. «Halyq Qahary» azamattyq naýqany ádilet úshin kúresti jalǵastyryp, medıınalyq mekemeniń Qostanaı turǵyndaryna qaıtadan qyzmet kórsetýine qol jetkizedi.