جاڭالىقتار
جاڭا ادىلەت ءمينيسترى تاعايىندالدى
فوتو: اشىق دەرەككوز
مەملەكەت باسشىسىنىڭ جارلىعىمەن ەرلان سارسەمباەۆ قازاقستان رەسپۋبليكاسىنىڭ ادىلەت ءمينيسترى لاۋازىمىنا تاعايىندالدى, دەپ جازدى qandastar.kz
سارسەمباەۆ ەرلان جاقسىلىق ۇلى 1975 جىلى الماتى وبلىسى تالعار اۋدانى وكتيابر اۋىلىندا دۇنيەگە كەلگەن.
الماتى ەنەرگەتيكا جانە بايلانىس ينستيتۋتىن «راديوينجەنەر» ماماندىعى بويىنشا (1997), د.ا. قوناەۆ اتىنداعى گۋمانيتارلىق ۋنيۆەرسيتەتىن «زاڭگەر» ماماندىعى بويىنشا بىتىرگەن (2000).
ەڭبەك جولى:
حالىقارالىق ىنتىماقتاستىق دەپارتامەنتىنىڭ تمد ەلدەرىمەن اسكەري ىنتىماقتاستىق ءبولىمىنىڭ وفيتسەرى (1998), قر قورعانىس ءمينيسترى اپپاراتىنىڭ حالىقارالىق اسكەري ىنتىماقتاستىق دەپارتامەنتىنىڭ شارت-قۇقىقتىق ءبولىمىنىڭ وفيتسەرى, اعا وفيتسەرى لاۋازىمدارىندا اسكەري قىزمەت اتقاردى (1998-2002).
قر پرەمەر-ءمينيسترى كەڭسەسىنىڭ قورعانىس جانە قۇقىقتىق ءتارتىپ ءبولىمىنىڭ كونسۋلتانتى (2002-2003), قر پرەمەر-ءمينيسترى كەڭسەسىنىڭ قورعانىس جانە قۇقىقتىق ءتارتىپ سەكتورىنىڭ كونسۋلتانتى, كەيىن مەڭگەرۋشىسى بولدى (2002-2005).
كەيىن قر پارلامەنتى سەناتى اپپاراتىنا اۋىسىپ, الەۋمەتتىك-مادەني دامۋ كوميتەتىمەن ءوزارا ءىس-قيمىل ءبولىمى مەڭگەرۋشىسىنىڭ ورىنباسارى, قر پارلامەنتى سەناتى اپپاراتىنىڭ الەۋمەتتىك-مادەني دامۋ كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى قىزمەتتەرىن اتقاردى (2005-2011).
قر ۇلتتىق قاۋىپسىزدىك ورگاندارىندا قر ۇقك زاڭ دەپارتامەنتى باستىعىنىڭ ورىنباسارى, باستىعى قىزمەتىن اتقاردى (2011-2016).
2016 جىلدان باستاپ 2022 جىلعى جەلتوقسانعا دەيىن قر پارلامەنتى سەناتى اپپاراتىندا ءارتۇرلى باسشىلىق قىزمەتتەردە بولدى: الەۋمەتتىك-مادەني دامۋ جانە عىلىم كوميتەتىمەن ءوزارا ءىس-قيمىل ءبولىمى مەڭگەرۋشىسى (2016-2017). قر پارلامەنتى سەناتى اپپاراتى باسشىسىنىڭ ورىنباسارى (2017-2019). قر پارلامەنتى سەناتى اپپاراتىنىڭ حالىقارالىق قاتىناستار, قورعانىس جانە قاۋىپسىزدىك كوميتەتىمەن ءوزارا ءىس-قيمىل ءبولىمىنىڭ مەڭگەرۋشىسى (2019-2022).
قازاقستان رەسپۋبليكاسى كونستيتۋتسيالىق سوتىنىڭ سۋدياسى لاۋازىمىنا تاعايىندالدى. (01.01.2023 ج. باستاپ قازىرگى دەيىن).
«ەرەن ەڭبەگى ءۇشىن» «ۇزدىك مەملەكەتتىك قىزمەتشى» توسبەلگىسىمەن جانە بىرقاتار مەرەكەلىك مەدەلدارمەن, سونداي-اق جوعارعى سوتتىڭ, ۇقك, قورمينىنىڭ, تجم-ءنىڭ ۆەدومستۆالىق ناگرادالارىمەن ماراپاتتالدى.
