جاڭالىقتار
جاڭا ەنەرگەتيكا ءمينيسترى تاعايىندالدى
فوتو: primeminister.kz
مەملەكەت باسشىسى قاسىم-جومارت توقاەۆ ەنەرگەتيكا ءمينيسترىن تاعايىندادى, دەپ حابارلايدى Qandastar.kz
«مەملەكەت باسشىسىنىڭ جارلىعىمەن ەرلان قۇدايبەرگەن ۇلى اقكەنجەنوۆ قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنا تاعايىندالدى», — دەلىنگەن اقوردا حابارلاماسىندا.
ايتا كەتەيىك, ەرلان اقكەنجەنوۆ 1979 جىلى الماتى قالاسىندا دۇنيەگە كەلگەن.
«ادىلەت» جوعارى قۇقىق مەكتەبىن جانە «استانا» ۋنيۆەرسيتەتىن بىتىرگەن.
- ەڭبەك جولىن 2002 جىلى جەكە مەنشىك ۇيىمدا باس مامان بولىپ باستاعان.
- 2004-2012 جىلدارى مۇناي سالاسىنداعى كاسىپورىنداردا باسشىلىق لاۋازىمداردا بولدى.
- 2012-2016 جىلدارى KPMG International (Rompetrol) كومپانياسىندا باس مەنەدجەر, ترەيدينگ جونىندەگى اعا باسقارۋشى ديرەكتور بولىپ جۇمىس ىستەدى.
- 2016 جىلدان 2022 جىلعا دەيىن كوممەرتسيالىق قۇرىلىمداردا جۇمىس ىستەدى.
- 2022 جىلعى شىلدە ايىنان باستاپ 2023 جىلدىڭ ماۋسىم ايىنا دەيىن «قازمۇنايگاز» ۇك» اق مۇناي ونىمدەرى ماركەتينگى باسقارماسىنىڭ باستىعى بولىپ قىزمەت ەتتى.
- ال 2023 جىلدان بۇگىنگە دەيىن ەنەرگەتيكا ۆيتسە-ءمينيسترى بولدى.
