«جاڭا كەزەڭ باستالدى»: تاعى ءبىر تانىمال بلوگەر حيدجابىن شەشكەنىن حابارلادى

الەۋمەتتىك جەلىدە تانىمالدىلىققا يە بلوگەر Molya Jan پاراقشاسىندا كوپشىلىكتى تولعاندىرعان جازباسىن ءبولىستى, دەپ حابارلايدى Qandastar.kz. 

ول ۇزاق ۋاقىت بويى ىشكى كۇيزەلىس پەن وي تولعاۋلاردان كەيىن ماڭىزدى شەشىم قابىلداعانىن ايتىپ, حيدجابىن شەشكەنىن مالىمدەدى.

“كوپ ويلاندىم, ۋايىمدادىم, جۇرەگىمدى تىڭداپ, ءوزىمدى تۇسىنۋگە تىرىستىم. بۇل شەشىمگە كەلۋ وڭاي بولعان جوق, وعان ءبىر كۇندە دە, ءبىر ايدا دا جەتكەن جوقپىن”, – دەپ جازدى ول.

بلوگەردىڭ ايتۋىنشا, قابىلداعان شەشىمىن بارلىعى بىردەي تۇسىنبەۋى مۇمكىن.

“بىرەۋ قولدايدى, بىرەۋ تۇسىنبەيدى, ال بىرەۋ ءتىپتى ايىپتاۋى مۇمكىن. بىراق ەڭ باستىسى – وزىمە ادال بولۋ”.

Molya Jan جاڭا كەزەڭگە قادام باسقانىن اتاپ ءوتتى. ول جانىندا جۇرگەن, ارقاشان قولداۋ كورسەتىپ, ءتۇرلى جاعدايداعى ءوزىن قابىلدايتىن جاقىندارى مەن وقىرماندارىنا العىسىن ءبىلدىردى.

“مەن ءۇشىن قازىر جاڭا كەزەڭ باستالدى. جانىمدا بولعان ءار ادامعا ريزامىن. سىزدەردىڭ قولداۋلارىڭىز سوزبەن جەتكىزگەننەن دە قىمبات”, – دەپ تۇيىندەدى ول.

بۇل جازبا وقىرماندار اراسىندا ۇلكەن قولداۋ تاپتى: پوست نەبارى ەكى كۇن ىشىندە 120 مىڭنان استام لايك جيناپ, 18 مىڭنان كوپ پىكىرگە يە بولدى.