«Jańa kezeń bastaldy»: Taǵy bir tanymal bloger hıdjabyn sheshkenin habarlady

Áleýmettik jelide tanymaldylyqqa ıe bloger Molya Jan paraqshasynda kópshilikti tolǵandyrǵan jazbasyn bólisti, dep habarlaıdy Qandastar.kz. 

Ol uzaq ýaqyt boıy ishki kúızelis pen oı tolǵaýlardan keıin mańyzdy sheshim qabyldaǵanyn aıtyp, hıdjabyn sheshkenin málimdedi.

“Kóp oılandym, ýaıymdadym, júregimdi tyńdap, ózimdi túsinýge tyrystym. Bul sheshimge kelý ońaı bolǵan joq, oǵan bir kúnde de, bir aıda da jetken joqpyn”, – dep jazdy ol.

Blogerdiń aıtýynsha, qabyldaǵan sheshimin barlyǵy birdeı túsinbeýi múmkin.

“Bireý qoldaıdy, bireý túsinbeıdi, al bireý tipti aıyptaýy múmkin. Biraq eń bastysy – ózime adal bolý”.

Molya Jan jańa kezeńge qadam basqanyn atap ótti. Ol janynda júrgen, árqashan qoldaý kórsetip, túrli jaǵdaıdaǵy ózin qabyldaıtyn jaqyndary men oqyrmandaryna alǵysyn bildirdi.

“Men úshin qazir jańa kezeń bastaldy. Janymda bolǵan ár adamǵa rızamyn. Sizderdiń qoldaýlaryńyz sózben jetkizgennen de qymbat”, – dep túıindedi ol.

Bul jazba oqyrmandar arasynda úlken qoldaý tapty: post nebári eki kún ishinde 120 myńnan astam laık jınap, 18 myńnan kóp pikirge ıe boldy.