جاڭا مەملەكەتتىك ورگان: جاساندى ينتەللەكت مينيسترلىگى نەمەن اينالىسادى?

فوتو: gov.kz

قازاقستاندا جاڭا ۆەدومستۆو – جاساندى ينتەللەكت جانە تسيفرلىق دامۋ مينيسترلىگى قۇرىلماق, دەپ حابارلايدى qandastar.kz

قايتا ۇيىمداستىرۋ قالاي جۇرگىزىلەدى?

جاساندى ينتەللەكت جانە تسيفرلىق دامۋ مينيسترلىگى قازىرگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ ء(تسدياوم) نەگىزىندە قۇرىلادى. بۇل تۋرالى ۇكىمەت وتىرىسىندا مينيستر جاسلان ماديەۆ ايتتى. ونىڭ سوزىنشە, ءتسدياوم-ءنىڭ بىرقاتار فۋنكتسيالارى قايتا بولىنەدى.

«مەملەكەت باسشىسىنىڭ تاپسىرماسىن ورىنداۋ ءۇشىن ءتسدياوم بازاسىندا قازاقستان رەسپۋبليكاسىنىڭ جاساندى ينتەللەكت جانە تسيفرلىق دامۋ مينيسترلىگى قۇرىلادى. ال يننوۆاتسيالىق ساياساتقا قاتىستى فۋنكتسيالار عىلىم جانە جوعارى ءبىلىم مينيسترلىگىنە بەرىلەدى», – دەدى ول.

ماديەۆتىڭ ايتۋىنشا, ءتيىستى جارلىقتىڭ جوباسى دايىندالىپ, مەملەكەتتىك ورگاندارعا كەلىسۋگە جولدانعان.

قاي فۋنكتسيالار عىلىم جانە جوعارى ءبىلىم مينيسترلىگىنە وتەدى?

مينيستر ساياسات نۇربەكتىڭ مالىمەتىنشە, ونىڭ ۆەدومستۆوسىنا مىناداي فۋنكتسيالار بەرىلەدى:

يننوۆاتسيالىق گرانتتار ءبولۋ;

ونەركاسىپتىك يننوۆاتسيالىق جوبالاردى قارجىلاندىرۋ;

ينۆەستيتسيالىق قورلار قۇرۋ;

ارنايى ەكونوميكالىق ايماقتاردى دامىتۋ;

اكسەلەراتسيا جانە بيزنەس-ينكۋباتسيانى جۇرگىزۋ;

ءبىلىم بەرۋ جانە عىلىمي-تەحنولوگيالىق باعدارلامالاردى ەنگىزۋ.

«بۇل مىندەتتەر ءتيىستى فۋنكتسيالار مەن ۆەدومستۆولىق ۇيىمداردى عىلىم جانە جوعارى ءبىلىم مينيسترلىگىنە بەرۋ ارقىلى ىسكە اسىرىلادى», – دەپ ءتۇسىندىردى ول.

 Dalanews.kz جازعانداي,   ماديەۆ پارلامەنتتە تسيفرلىق كودەكس بويىنشا جۇمىس باستالعانىن ايتتى.

«تسيفرلىق كودەكس پارلامەنتتىڭ قاراۋىنا ەنگىزىلدى. ونى جەتىلدىرۋ ءۇشىن ارنايى قۇزىرەتتەر ورتالىعى قۇرىلدى. جوبا مەملەكەت باسشىسى بەلگىلەگەن مەرزىمدە قابىلدانادى», – دەدى مينيستر.

قىركۇيەكتەگى جولداۋىندا پرەزيدەنت قاسىم-جومارت توقاەۆ قازىرگى تسيفرلىق دامۋ مينيسترلىگىنىڭ نەگىزىندە جاساندى ينتەللەكت جانە تسيفرلىق دامۋ مينيسترلىگىن قۇرۋ قاجەتتىگىن ايتقان بولاتىن.