جاڭا وقۋ جىلىنان باستاپ قانداي ءپان وقىتىلادى?

«2022-2023 وقۋ جىلىنان باستاپ باستاۋىش سىنىپتا «كوركەم ەڭبەك» ءپانى «ەڭبەككە باۋلۋ» جانە «بەينەلەۋ ونەرى» ەكى جەكە وقۋ پاندەرى بولىپ ءبولىندى. «بەينەلەۋ ونەرى» ءپانى مەملەكەتتىك ءبىلىم بەرۋ ستاندارتى جانە ۇلگىلىك وقۋ جوسپارلارى نەگىزىندە جۇزەگە اسىرىلادى. بەينەلەۋ ونەرىنىڭ تاقىرىپتارى «كوركەم ەڭبەك» ءپانىنىڭ وقۋ باعدارلاماسىنىڭ مازمۇنىنا كىرىكتىرىلگەن. جالپى ورتا ءبىلىم بەرۋ جۇيەسىندەگى «كوركەم ەڭبەك» وقۋ ءپانىنىڭ ەرەكشەلىگى ءارتۇرلى ونەر تۇرلەرىن زەردەلەۋ, يدەيالاردى ونەر تاسىلدەرى ارقىلى كورسەتۋ, امبەباپ (تۇرمىستىق) جانە ارنايى (پاندىك) بىلىمدەر مەن يكەمدىلىكتى, ماتەريالدار مەن نىسانداردى تۇرلەندىرۋ جانە كوركەم وڭدەۋ داعدىلارىن, ءۇي شارۋاشىلىعىن جۇرگىزۋ, تەحنولوگيالار مەن تەحنيكانى قولدانۋ ماشىقتارىن يەلەنۋ», – دەدى ۇكىمەت باسشىسىنىڭ ورىنباسارى.

ۆيتسە-پرەمەردىڭ دەرەگىنشە, قازىرگى كەزدە «بەينەلەۋ ونەرى» ءپانى 1-2 سىنىپتاردا اپتاسىنا 1 ساعاتتىق وقۋ جۇكتەمەسىمەن جىلىنا 33-34 ساعات تولىق وقىتىلادى.

«الداعى 2024-2025 وقۋ جىلىندا 3-سىنىپتا جانە 2025-2026 وقۋ جىلىندا 4-سىنىپتا وقىتىلاتىن بولادى. نەگىزگى ورتا ءبىلىم بەرۋ دەڭگەيىندە «كوركەم ەڭبەك» ءپانى 5-6 سىنىپتاردا اپتاسىندا 2 ساعاتتىق جۇكتەمەسىمەن جىلىنا 68 ساعات وقىتىلادى. ونىڭ ىشىندە 1 ساعات «ۆيزۋالدىق ونەر» بولىمىنە بولىنگەن», – دەدى تامارا دۇيسەنوۆا.