ءبىلىم
جاڭا وقۋ جىلىندا ۇكىمەت گرانتتار سانىن شامامەن 40 مىڭعا قىسقارتتى
فوتو: Ru.freepik.com
بيىل ۇكىمەت گرانتتار سانىن 3 ەسە قىسقارتتى. سول سەبەپتى جاڭا وقۋ جىلىندا مەملەكەتتىك تاپسىرىس نەگىزىندە ءبىلىم الاتىن ستۋدەنتتەر سانى ايتارلىقتاي ازايۋى مۇمكىن
بۇل تۋرالى Stan.kz اقپارات اگەنتتىگى حابارلايدى.
بيىل 220 مىڭعا جۋىق تالاپكەرلەرگە نەبارى 71 844 گرانت بولىنەدى. ال 2024 جىلى جوعارى وقۋ ورىندارىندا وقۋعا 112 مىڭ گرانت بولىنگەن ەدى.
“2030 جىلعا دەيىن ەل ەكونوميكاسىنا شامامەن 885 مىڭداي بىلىكتى مامان كەرەك بولادى. اسىرەسە, ينجەنەرلىك سالادا قىزمەت ەتەتىن كادرلار اۋاداي قاجەت. ناقتىراق ايتساق, 529 مىڭ 977 مامان. سونداي-اق نارىقتا پەداگوگتەرگە دەگەن سۇرانىس تا ساقتالادى. مۇعالىمدەردىڭ قاجەتتىلىك ۇلەسى – 21%. بۇل 185 مىڭنان استام تالاپكەر مۇعالىم ماماندىعىن تاڭداۋعا ءتيىس دەگەن ءسوز”, – دەيدى مينيسترلىكتەگىلەر.
جاڭا وقۋ جىلىندا ينجەنەرلىك, قايتا وڭدەۋ جانە قۇرىلىس سەكتورلارىنا باسىمدىق بەرىلگەلى وتىر. سايكەسىنشە, 20 878 تالاپكەر مەملەكەتتىك تاپسىرىس نەگىزىندە وقۋعا مۇمكىندىك الادى. ال پەداگوگتەر ءۇشىن 17 898 گرانت قاراستىرىلعان. ءۇشىنشى ورىندا اقپاراتتىق-كوممۋنيكاتسيالىق تەحنولوگيالار سالاسى. بۇل سەكتورعا 12 087 گرانت بولىنبەك.
بۇعان دەيىن اسحات ايماعامبەتوۆ ماگيستراتۋرا مەن دوكتورانتۋراعا قابىلداۋ ەرەجەلەرىن وزگەرتۋدى ۇسىنعان ەدى.
