Jańa oqý jylynda úkimet granttar sanyn shamamen 40 myńǵa qysqartty

Foto: Ru.freepik.com

Bıyl Úkimet granttar sanyn 3 ese qysqartty. Sol sebepti jańa oqý jylynda memlekettik tapsyrys negizinde bilim alatyn stýdentter sany aıtarlyqtaı azaıýy múmkin

Bul týraly Stan.kz aqparat agenttigi habarlaıdy.

Bıyl 220 myńǵa jýyq talapkerlerge nebári 71 844 grant bólinedi. Al 2024 jyly joǵary oqý oryndarynda oqýǵa 112 myń grant bólingen edi.

“2030 jylǵa deıin el ekonomıkasyna shamamen 885 myńdaı bilikti maman kerek bolady. Ásirese, ınjenerlik salada qyzmet etetin kadrlar aýadaı qajet. Naqtyraq aıtsaq, 529 myń 977 maman. Sondaı-aq naryqta pedagogterge degen suranys ta saqtalady. Muǵalimderdiń qajettilik úlesi – 21%. Bul 185 myńnan astam talapker muǵalim mamandyǵyn tańdaýǵa tıis degen sóz”, – deıdi mınıstrliktegiler.

Jańa oqý jylynda ınjenerlik, qaıta óńdeý jáne qurylys sektorlaryna basymdyq berilgeli otyr. Sáıkesinshe, 20 878 talapker memlekettik tapsyrys negizinde oqýǵa múmkindik alady. Al pedagogter úshin 17 898 grant qarastyrylǵan. Úshinshi orynda aqparattyq-kommýnıkaııalyq tehnologııalar salasy. Bul sektorǵa 12 087 grant bólinbek.

Buǵan deıin Ashat Aımaǵambetov magıstratýra men doktorantýraǵa qabyldaý erejelerin ózgertýdi usynǵan edi.