جاڭا ۇلتتىق ەكونوميكا ۆيتسە-ءمينيسترى بولىپ تاعايىندالدى

فوتو: اشىق دەرەككوز

قازاقستان رەسپۋبليكاسى ۇكىمەتىنىڭ قاۋلىسىمەن دارباەۆ اسان كوبەنتاي ۇلى ۇلتتىق ەكونوميكا ۆيتسە-ءمينيسترى بولىپ تاعايىندالدى, دەپ حابارلايدى qandastar.kz

دارباەۆ اسان كوبەنتاي ۇلى 1984 جىلى  تۋعان. ءبىلىمى جوعارى, 2005 جىلى «قارجى جانە قارجى قۇقىعى» ماماندىعى بويىنشا ءال-فارابي اتىنداعى  قازاق  ۇلتتىق ۋنيۆەرسيتەتىن, 2007 جىلى ت.رىسقۇلوۆ اتىنداعى  قازاق ەكونوميكالىق  ۋنيۆەرسيتەتىنىڭ  «قارجى» ماماندىعى بويىنشا ماگيستراتۋراسىن, 2009 جىلى «مەملەكەتتىك جانە جەرگىلىكتى باسقارۋ»  ماماندىعى بويىنشا قازاقستان رەسپۋبليكاسى پرەزيدەنتى جانىنداعى  مەملەكەتتىك باسقارۋ  اكادەمياسىنىڭ  ماگيستراتۋراسىن ءبىتىردى. 2012 جىلى  بولاشاق باعدارلاماسىمەن «ۋورۆيك» ۋنيۆەرسيتەتىنىڭ  ماگيستراتۋراسىن ( ۇلىبريتانيا)  «جوبالاردى باسقارۋ» (Programme and Project Management) ماماندىعى بويىنشا ءتامامدادى.

مانسابى:

2005 — 2006 جىلدار ارالىعىندا – قارجى  مينيسترلىگى  سالاسىندا  جەتەكشى مامان بولىپ جۇمىس ىستەدى.

2006 جىلدان باستاپ مونوپولياعا قارسى سالادا  اۋماقتىق  قۇرىلىمدىق بولىمشەلەردە باس مامان بولىپ جۇمىس ىستەدى.

2009 جىلدان باستاپ «باسەكەلەستىك  ساياساتىن  دامىتۋ جانە  قورعاۋ» اق  جانە    «KazEnergy»  قازاقستان مۇناي-گاز جانە ەنەرگەتيكا كەشەنى ۇيىمدارىنىڭ قاۋىمداستىعى» زاڭدى تۇلعالار بىرلەستىگىندە جۇمىس ىستەدى.

2013 جىلدان بەرى ديرەكتور ورىنباسارى لاۋازىمىنان باستاپ قازاقستان رەسپۋبليكاسى  ۇلتتىق ەكونوميكا مينيسترلىگى تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ  توراعاسىنىڭ ورىنباسارىنا دەيىنگى لاۋازىمدى اتقاردى.

2015 جىلدان باستاپ قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى توراعاسىنىڭ ورىنباسارى لاۋازىمىندا قىزمەت اتقاردى.

2019 جىلعى قىركۇيەكتەن باستاپ قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ توراعاسى.