Jańa Ulttyq ekonomıka vıe-mınıstri bolyp taǵaıyndaldy

Foto: ashyq derekkóz

Qazaqstan Respýblıkasy Úkimetiniń qaýlysymen Darbaev Asan Kóbentaıuly Ulttyq ekonomıka vıe-mınıstri bolyp taǵaıyndaldy, dep habarlaıdy qandastar.kz

Darbaev Asan Kóbentaıuly 1984 jyly  týǵan. Bilimi joǵary, 2005 jyly «Qarjy jáne qarjy quqyǵy» mamandyǵy boıynsha Ál-Farabı atyndaǵy  Qazaq  ulttyq ýnıversıtetin, 2007 jyly T.Rysqulov atyndaǵy  Qazaq ekonomıkalyq  ýnıversıtetiniń  «Qarjy» mamandyǵy boıynsha magıstratýrasyn, 2009 jyly «Memlekettik jáne jergilikti basqarý»  mamandyǵy boıynsha Qazaqstan Respýblıkasy Prezıdenti janyndaǵy  Memlekettik basqarý  akademııasynyń  magıstratýrasyn bitirdi. 2012 jyly  Bolashaq baǵdarlamasymen «Ýorvık» ýnıversıtetiniń  magıstratýrasyn (Ulybrıtanııa)  «Jobalardy basqarý» (Programme and Project Management) mamandyǵy boıynsha támamdady.

Mansaby:

2005 — 2006 jyldar aralyǵynda – Qarjy  mınıstrligi  salasynda  jetekshi maman bolyp jumys istedi.

2006 jyldan bastap monopolııaǵa qarsy salada  aýmaqtyq  qurylymdyq bólimshelerde bas maman bolyp jumys istedi.

2009 jyldan bastap «Básekelestik  saıasatyn  damytý jáne  qorǵaý» AQ  jáne    «KazEnergy»  Qazaqstan munaı-gaz jáne energetıka kesheni uıymdarynyń qaýymdastyǵy» zańdy tulǵalar birlestiginde jumys istedi.

2013 jyldan beri dırektor orynbasary laýazymynan bastap Qazaqstan Respýblıkasy  Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń  tóraǵasynyń orynbasaryna deıingi laýazymdy atqardy.

2015 jyldan bastap Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıteti tóraǵasynyń orynbasary laýazymynda qyzmet atqardy.

2019 jylǵy qyrkúıekten bastap Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń tóraǵasy.