قارجى جانە تولەمدەر
جاڭا جىلدان كەيىن بالاسى بار وتباسىلارعا 875 ملرد تەڭگە بولىنەدى
فوتو: اشىق دەرەككوز
2025 جىلدىڭ باسىنان باستاپ بالالارى بار وتباسىلارعا ارنالعان جاردەماقىلاردىڭ بارلىق مولشەرى 6,5%-عا يندەكساتسيالانادى, دەپ حابارلايدى qandastar.kz
بالالارى بار وتباسىلارعا ارنالعان بارلىق جاردەماقىلاردىڭ مولشەرى 2025 جىلدىڭ باسىنان باستاپ 6,5%-عا يندەكساتسيالانادى.
مەملەكەتتىڭ بارلىق الەۋمەتتىك مىندەتتەمەلەرى تولىق كولەمدە ورىندالۋدا جانە الداعى ۋاقىتتا دا ورىندالادى.
بۇل ۇكىمەت جۇمىسىنىڭ باسىم باعىتتارىنىڭ ءبىرى, دەپ مالىمدەدى قر پرەمەر-ءمينيسترىنىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ.
وسى جىلدىڭ قاڭتارىنان باستاپ ينفلياتسيا دەڭگەيى ەسكەرىلە وتىرىپ, بارلىق زەينەتاقىلار مەن جاردەماقىلار جىل سايىنعى يندەكساتسيادان وتكىزىلدى.
2025 جىلدىڭ 1 قاڭتارىنان باستاپ ىنتىماقتى زەينەتاقى 8,5%-عا, الەۋمەتتىك جاردەماقىلار مەن بازالىق زەينەتاقى 6,5%-عا يندەكساتسيالاناتىن بولادى.
مەملەكەت باسشىسىنىڭ تاپسىرماسىنا سايكەس, بازالىق زەينەتاقىنىڭ مولشەرىن كەزەڭ-كەزەڭىمەن ارتتىرۋ جالعاسۋدا. 2025 جىلعا ارنالعان رەسپۋبليكالىق بيۋدجەتتە 42 ءتۇرلى الەۋمەتتىك تولەمگە 6 ترلن تەڭگەدەن استام قارجى قاراستىرىلعان. بۇل 2024 جىلمەن سالىستىرعاندا 12,5%-عا كوپ.
ەلدەگى 2 ملن-عا جۋىق بالالارى بار وتباسى رەسپۋبليكالىق بيۋدجەتتەن بەرىلەتىن جاردەماقىلارمەن جانە مەملەكەتتىك الەۋمەتتىك ساقتاندىرۋ قورىنان (ماسق) تولەنەتىن الەۋمەتتىك تولەمدەرمەن قامتىلعان.
«2025 جىلدىڭ باسىنان باستاپ بالالارى بار وتباسىلارعا ارنالعان مەملەكەتتىك جاردەماقىلاردىڭ بارلىق مولشەرى 6,5%-عا يندەكساتسيالانادى. 2025 جىلعا ارنالعان رەسپۋبليكالىق بيۋدجەتتە بالالارى بار وتباسىلارعا ارنالعان جاردەماقىلاردى تولەۋگە 875,1 ملرد تەڭگە قاراستىرىلعان. از قامتىلعان ازاماتتارعا الەۋمەتتىك قولداۋ اتاۋلى الەۋمەتتىك كومەك (ااك) كورسەتۋ ارقىلى جالعاسادى. بيىلعى 1 قاراشاداعى جاعداي بويىنشا ااك 76 مىڭ وتباسى نەمەسە 403 مىڭ ادام العان. ازاماتتاردىڭ شىعىندارىن ەسكەرە وتىرىپ, ااك كورسەتۋدىڭ جاڭا تاسىلدەرىن قايتا قاراۋ اياسىندا بۇل جۇيە وتباسىنىڭ تسيفرلىق كارتاسىن جانە مەملەكەتتىك جانە مەملەكەتتىك ەمەس ۇيىمداردىڭ جۇيەلەرىمەن ينتەگراتسيانى پايدالانۋ ارقىلى ترانسفورماتسيالاناتىن بولادى», – دەدى نۇرلان بايبازاروۆ.
