Jańaózendik fýtbolshylar Eýropa chempıonatynda el namysyn qorǵaıdy

4-8 maýsym aralyǵynda Moldova astanasy Kıshınevte fýtboldan áýesqoılar arasynda SOCCA 2025 Eýropa chempıonaty ótedi. Bul baıraqty básekede elnamysyn qorǵaýǵa attanǵan ulttyq quramanyń qatarynda Jańaózen qalasynan iriktelgen 10 fýtbolshy baq synaıdy, dep habarlaıdy Qandastar.kz aqparat portaly.

Jańaózen qalasy ákiminiń baspasóz qyzmeti usynǵan málimetke sensek, SOCCA chempıonaty – álemniń túrli elderinen jınalǵan áýesqoı fýtbolshylar qatysatyn bedeldi sporttyq is-sharalardyń biri. Chempıonat aıasyndaǵy Qazaqstan quramasynyń oıyndary Qazsport telearnasynan tikeleı efırde kórsetiledi dep josparlanýda.

«Mańǵystaý óńirinen shyqqan sportshylardyń halyqaralyq deńgeıdegi saıystarǵa qatysyp, elimizdiń namysyn qorǵaýy – óńir sportyndaǵy oń ózgeristerdiń aıqyn kórinisi.

Jańaózendik fýtbolshylar úshin bul chempıonat – kásibı shyńdalýǵa, tájirıbe jınaqtaýǵa jáne el abyroıyn arttyrýǵa úlken múmkindik. Jerlesterimizdiń senim údesinen shyǵyp, joǵary nátıje kórsetetinine senim bildiremiz»,  – delingen habarlamada.