جاڭالىقتار
جانارماي قۇيۋ بەكەتىندەگى شابۋىل بويىنشا ءىس مينيسترلiكىتىڭ باقىلاۋىندا
فوتو: اشىق دەرەككوز
جانارماي قۇيۋ بەكەتىندەگى شابۋىل بويىنشا ءىس Iشكi iستەر مينيسترلiگiنىڭ باقىلاۋىندا, دەپ حابارلايدى qandastar.kz
جامبىل وبلىسىنداعى مەركى اۋدانىندا جانار-جاعارماي قۇيۋ بەكەتىندە پىشاق قولدانۋ ارقىلى شابۋىل جاسالدى. كۇدىكتىنىڭ ءىزىن سۋىتپاي ۇستاپ, سوت سانكتسياسىمەن قاماۋعا الىندى.
وسى دەرەكپەن قىلمىستىق كودەكستىڭ 293-بابىنىڭ 3-بولىگىمەن, ياعني پىشاق قولدانۋ ارقىلى جاسالعان بۇزاقىلىقپەن قىلمىستىق ءىس قوزعالدى. بۇل باپپەن 7 جىلعا دەيىن باس بوستاندىعىنان ايىرۋ جازاسى كوزدەلگەن, ياعني اۋىر ساناتتاعى قىلمىس قاتارىنا جاتادى.
تەرگەۋدى جامبىل وبلىسىنىڭ پوليتسيا دەپارتامەنتى جۇرگىزۋدە, وقيعا ورنىندا جەدەل-تەرگەۋ توبى جۇمىس جاساۋدا. ونىڭ جۇمىسىن ۇيىمداستىرىپ, باقىلاۋ جۇرگىزۋ ءۇشىن مينيسترلىكتىڭ ورتالىق اپپارات قىزمەتكەرلەرى جىبەرىلدى. قازىر جان-جاقتى تەرگەۋ جۇرگىزىلۋدە.
سونىمەن قاتار ادۆوكاتىنىڭ ءوتىنىشى بويىنشا جابىرلەنۋشىگە پوليتسيانىڭ كۇزەتى قويىلدى. تەرگەۋ بارىسى ىشكى ىستەر ءمينيسترىنىڭ ەرەكشە باقىلاۋىندا, – دەدى ءىىم تەرگەۋ دەپارتامەنتىنىڭ باستىعى مۇحتار كوجاەۆ.
