«Janaza kúni túrmeden habarlasty»: Talǵarda qaza tapqan jasóspirimniń ákesi «Hýtor jigitteri» qalaı qorqytqanyn aıtty

Foto: vıdeo skrınshot

Balańnyn janynan kór qazyp daıyndap qoısań bolady, tynysh júrmeıtin bolsań.

Almaty oblysy Talǵar qalasynda bir top buzaqynyń qolynan ólgen 16 jasar jasóspirimge qatysty áleýmettik jelilerde túrli aqparattar tarap jatyr. Jelidegi aqparatqa súıensek, Sherzat Bolattyń qazasyna «Hýtor bandasynyń» ókilderi kináli. Sondaı-aq atalǵan qylmystyq topqa aýdan ákimdiginiń apparat basshysy Aslan Qasymbaevtyń qatysy bar degen málimet paıda boldy. Naqtyraq aıtsaq, jelide Qasymbaevtyń «hýtorlyq Hasan» degen atpen tanymal qylmystyq tulǵanyń týǵan baýyry ekeni jazylyp jatyr, dep habarlaıdy qandastar.kz Skifews.kz aqparat portaly

KursivMedia saıtynyń málimetinshe, osy aqparatqa Talǵar aýdany ákiminiń orynbasary Aıbek Bıdaev jaýap berdi. Bıdaev Aslan Qasymbaevtyń Hasanǵa týystyq qatynasyn rastaǵan joq, joqqa da shyǵarmady.

«Áleýmettik jelide jazylyp jatyr ǵoı, Hasan ákim apparaty basshysynyń baýyry dep. Baýyry bolsa, baýyry shyǵar. Biraq bul oqıǵamen ary qaraı aınalysyp jatqan quqyq qorǵaý organdary bar ǵoı. Sondyqtan suraqtardy sol kisilerge qoıý kerek shyǵar», – dedi Aıbek Bıdaev.

Onyń aıtýynsha, Aslan Qasymbaevtyń Talǵar aýdany ákimi apparatynyń basshysy bolyp otyrǵanyna eki jyldan asqan. Oǵan deıin Talǵar aýdanynyń Belbulaq aýyldyq okrýginiń ákimi bolyp jumys istegen. Bul aqparat Talǵar aýdany ákimshiliginiń resmı saıtynda da jazylǵan. Aıbek Bıdaev memlekettik qyzmetke turmas buryn árbir adam arnaıy tekserýden ótetinin aıtty.

«Ulttyq qaýipsizdik komıtetinen ótip baryp, tek qana memlekettik qyzmetke keledi. Memleketke tekserýden ótpegen adam memlekettik qyzmetke kelmeıdi. Qazir aýdanda osy is boıynsha komıssııa quryldy, shtab quryldy. IIM birinshi orynbasary aýdanǵa kelip, osy shtabqa tóraǵalyq etip otyr. Bul suraqtardy sol kisilerge qoısańyz. Aslan Qasymbaev ótken juma kúni densaýlyǵyna baılanysty ýaqytsha demalysqa ketken, erteń jumysqa shyǵady», – dedi Bıdaev.

Marqumnyń ákesiniń sózinshe, aýdandyq ishki ister basqarmasynda 70-80% “Hýtor” degen aýyldyń jigitteri jumys isteıdi.

“Ol jigitterdiń de týystary mılıııa. Naqty eshkimge jala jappaımyn. Biraq ulyma kelgen úlken jigit te mılıııada jumys isteıdi eken. Jeti adam ustalyp, tórteýi ustalmaı turǵany da sol sebepti. Al eki áıel kýáger retinde júredi deıdi. Meniń oǵan kóńilim tolmaıdy. Ekeýi olardy satpaý úshin aqsha alyp otyr ma, qorqyp otyr ma, túsinbedim. Bireýler Hasannyń jigitteri deıdi. Al men Hasannyń kim ekenin bilmeımin. Estýimshe Talǵarǵa qaraıdy, bandany retteıdi, bireýlerge aqsha beredi. Onyń ákimdikte isteıtin aǵasy da bar eken deıdi. Qaladaǵy dúken, meıramhanalardyń bári olarǵa tabysynyń bir bóligin berip otyrady eken ǵoı. Olar meniń jedel járdemde isteıtinimdi de bilip alypty”, – deıdi marqumnyń ákesi.

Qarjaýbaı Nurymovtyń aıtýynsha, Talǵarda “reket” sııaqty qylmystyq top bar. Olardy qurǵan ákimdik deıdi.

“Basynda maǵan “kelip, aqsha suraıdy, suraǵanyn ber” dep aıtqan. Men, “jaraıdy kelse beremin” degenmin. Talǵarda “reket” sııaqtylar bar. Talǵarda bárin qurǵan “ákimdik, Halyqqa qyzmet kórsetý ortalyǵy, prokýratýra, Aýdandyq ishki ister basqarmasy”. Bul jerde eshqandaı ádildik ala almaımyz, alynbaıdy da. Talǵardaǵy polıııa jemqorlyqqa ábden beıimdelip alǵan. Jylda “Hýtordyń” ókilderi adam óltiredi. Jábir kórgenderdiń jaqyndary úıge kelip aıtyp jatyr. Bireýlerdiń tal túste kózin oıyp alǵan, bireýin atqan, biraz qyzdardy zorlaǵan. Bala kezden bilemiz, “Hýtordan” bári qorqady”. Sebebi olar shakal sııaqty, pyshaq suǵady, atady, artynda eshqandaı jazalaý bolmaǵan soń emin-erkin júre beredi. Bárin aqshamen sheshedi”, – deıdi marqumnyń ákesi.

Marqumnyń ákesiniń sózinshe, janaza bolǵan kúni “Hýtor bandasynyń” adamdary kelip, qorqytyp ketken. “Ulyńnyń janynan kórińdi qaza ber dep aıtty” deıdi.

“Janaza bolyp jatqan kezde maǵan bireý “zańgerdiń kómekshisimin, sizben sóılesemin dep jatyr” dedi de, telefonyn berdi. Alsam, “túrmeden Erkoshpyn, jigitterdiń aǵasymyn. Tynysh júr” dedi. Men “sońyna deıin baramyn. Túrmede bolsań ary qaraı otyra ber” dedim. Janazaǵa kelgen jigitter kóńil aıtqan bolyp, sóılesemiz dep beıitke alyp ketti. Sóıtsem olar “Hýtordyń” jigitteri eken. Beıitti kórsetip, “balańnyn janynan kór qazyp daıyndap qoısań bolady, tynysh júrmeıtin bolsań” dep eskertip ketti. Olarǵa qan tógilgenin qalamaımyn, ádiletti sheshimmen sońyna deıin baramyn dep aıttym”, – dedi marqumnyń ákesi.