“جانازاعا بارماعان”. ءانشىنىڭ تويىندا باتا بەرگەن باس ءمۇفتي سىنعا ۇشىرادى

قمدب توراعاسى, باس ءمۇفتي ناۋرىزباي قاجى تاعان ۇلى ەل ىشىندە سىننىڭ استىندا قالدى, دەپ حابارلايدى Qandastar.kz اقپارات پورتالى.

جەلىدە ونىڭ استانادان ارنايى بارىپ, ءانشى ساكەن مايعازيەۆتىڭ ۇلىنىڭ تويىندا باتا بەرگەن بەينەلەرى تاراپ جاتىر.

قوعام بەلسەندىلەرى مەن جۋرناليستەر باس ءمۇفتيدىڭ حالىقتىق تراگەديالار كەزىندە كوزگە تۇسپەيتىنىن اتاپ وتۋدە. الايدا جۇلدىزداردىڭ قۋانىشىنا ۋاقىت تاۋىپ كەلەتىنىن سىنعا الدى. جۋرناليست دياس نۇراقىن الەۋمەتتىك جەلىدە جازبا جاريالاعان.

«بقو-دا بەس بالا ورتەنىپ ولگەندە جانازالارىنا بارماعان, اقتاۋدا ۇشاق اپاتقا ۇشىراعاندا قۇران باعىشتاماعان, استانادا اۆتوبۋس اپاتىنان شىناشاقتاي قىز ەكى اياعىنان ايىرىلعاندا جۇرەگى سىزداماعان باس ءمۇفتي بۇگىن ساكەن مايعازيەۆتىڭ ۇلىنىڭ تويىندا باتا بەرىپ ءجۇر. توي دەگەندە قۋ باس دومالايدى دەگەن راس-اۋ?!» — دەپ پىكىر قالدىردى.

ول قوعام قايراتكەرلەرى مەن ءدىن وكىلدەرىنىڭ ەلدەگى قيىن ساتتەردە ءبىرىنشى بولىپ ءۇن قاتۋى ءتيىس ەكەنىن ەسكە سالدى.

ايتا كەتەيىك, ءانشى ساكەن مايعازيەۆتىڭ ۇلى ۇيلەنىپ, سالتاناتتى ءراسىمدى باستان-اياق ونلاين كورۋ ءۇشىن 1380 تگ تولەۋ كەرەكتىگى ايتىلعان.