Jánibek Álimhanuly men Karlos Adamestiń jekpe-jegi ótpeıtin boldy

Álemdik boks ındýstrııasynyń eń yqpaldy tulǵalarynyń biri, Saýd Arabııasynyń bedeldi ınvestory Týrkı ál ash-Sheıh Jánibek Álimhanuly men Karlos Adames arasyndaǵy tıtýldyq jekpe-jekti uıymdastyrýǵa nıet bildirgenin málimdedi, dep jazdy Qandastar.kz.

Alaıda onyń aıtýynsha, bul jekpe-jek Adamestiń kelispeýinen júzege aspaı qalǵan.

«Men sizderge bir shyndyqty aıtaıyn. Ol (Adames) meniń ýaqytymdy tekke ketirdi jáne óz múmkindigin jiberip aldy. Men oǵan óte jaqsy, jomart usynys jasadym. Alaıda 4-5 kún boıy múlde jaýap bolmady. Bul óte túsiniksiz jaǵdaı. Aqyrynda men óz usynysymdy keri qaıtaryp aldym. Bul jekpe-jek «Chempıondar túni» keshiniń bir bóligi bolýy kerek edi. Jánibek tarapynan eshqandaı qarsylyq bolǵan joq. Bar másele – Adameste», – dedi Týrkı ál ash-Sheıh Thaboxingvoice podkastynda.

Aıta keteıik, bul aqparatty Jánibektiń ózi de rastady. Ol X (burynǵy Twitter) jelisinde ál ash-Sheıhtiń suhbatynan úzindi jarııalanǵan vıdeony bólisken.