Janqosh Turarov zorlady degen Ánarý – Qaldybek Qurmanáliniń qyzy

Foto: ashyq derekkóz

SMARTNEWS.KZ-tiń habarlaýynsha, áleýmettik jelide Ánarý Qurmanálıeva kompozıtor Qaldybek Qurmanáli men marqum aqyn Aqmarjan Taýbaevanyń qyzy ekeni týraly aqparat tarady.

TikTok jelisindegi UlysPro paraqshasy Janqosh Turarov zorlady degen qyz Qaldybek Qurmanáliniń qyzy ekeni týraly beınejazba jarııalaǵan.

Janqosh zorlady dep málimdegen Ánarý Qurmanáli belgili kompozıtordyń qyzy. Onyń ákesi belgili sazger Qaldybek Qurmanáli kezinde «Qazaq estradasyndaǵy qyzdardyń 90 paıyzy – jezókshe» dep aıtqany úshin basy daýǵa qalǵan, – dep jazyldy beınejazbada.

Belgili bolǵandaı Qaldybek Qurmanáliniń Aqmarjan Taýbaevadan Ánasyl esimdi uly men Ánarý esimdi qyzy bar. Ánarý sońǵy ret Janqosh ekeýi 2024 jyldyń 12 tamyzynda kezdeskenin aıtqan edi. Boksshy ony kúshtep zorlaǵan.

Buǵan deıin sazger «ánshiler balalarynyń kimnen ekenin ózderi bilmeıdi» degen málimdeme jasap, jurtty shýlatqan edi.

Keıbir ánshiler bar, 4 balasy bar, tórteýiniń kimnen ekenin ózi de bilmeıdi, umytyp qalǵan. Men eshteńe demes em. Olar sahnada turyp, mahabbatqa, ónerge adaldyq, otbasy qundylyǵy týraly aıtady. Adamnyń betinen uıat ketkennen keıin aıtyla beredi eken, – degen-di Qaldybek Qurmanáli.