Jańalyqtar
Janqosh Turarovqa qatysty qylmystyq is qaıta qozǵaldy
Foto: in business
Boksshy Janqosh Turarovqa qatysty qylmystyq is qaıta qozǵaldy. Bul týraly Ánarý Qurmanáliniń advokaty Lázzat Ahatova áleýmettik jelidegi paraqshasynda aıtty, dep habarlaıdy qandastar.kz Dopmedia.kz-ke silteme jasap.
Kelesi apta tergeý qaıta bastalady. Biraq jábirlenýshi tarap aldyńǵy istiń qysqartylǵany týraly zańsyz shyǵarylǵan qaýlyny jarty aı ýaqyt ótse de áli almaǵan.
«BAQ-taǵy jarııalylyqtyń nátıjesi shyǵar. Sońǵy kezde áriptesterimnen, halyqtan Bas Prokýratýra qyzmetkerleriniń jaqsy jumys istep, kóptegen qylmys pen zańbuzýshylyqtardy ashýǵa septigin tıgizip jatqandaryn estımin. Bul da bolsa, kóńilge jaǵatyn, úzilgen úmitti jalǵaıtyn jaǵymdy nárse ǵoı. Tek jaman jaǵyn aıta bermeı, jaqsy jaǵyn da aıtaıyq. Sonda da qaıtadan “kryshalaryn”, depýtat aǵalaryn qosyp, qylmysyn jabýǵa taǵy kúsh sala ma degen kúdik joq emes. Bizdiń eldiń organdaryn, zańynyń qalaı jumys isteıtinin bilgesin, “jaman aıtpaı, jaqsy joq” degendeı, ondaı kúdiktiń bolýy da zańdylyq», – dep jazdy quqyq qorǵaýshy.
