جانقوش تۇراروۆقا قاتىستى تەرگەۋ توقتاتىلدى

الماتى پوليتسيا دەپارتامەنتى بوكستان الەم چەمپيونى جانقوش تۇراروۆقا قاتىستى جانجالعا قاتىستى پىكىر ءبىلدىردى, — دەپ حابارلايدى qandastar.kz Massaget.kz تىلشىسىنە سىلتەمە جاساپ.

21 تامىزدا الماتىنىڭ اۋەزوۆ اۋدانى پوليتسيا باسقارماسىنا 1996 جىلى تۋعان قىز «ءوزىن زورلانعانىن» ايتىپ, ارىز جازعان ەدى. كەيىن پوليتسيا قىلمىستىق ءىس قوزعاعانىن راستادى, ال تانىمال بوكسشىنىڭ ءوزى تاعىلعان ايىپتى جوققا شىعاردى.

ارىزدىڭ تۇسكەنىنە ەكى اي وتسە دە جانقوش تۇراروۆ بوستاندىقتا ءجۇر.

2024 جىلعى 18 قازاندا Tengri Sport تىلشىسى دەپارتامەنتكە اتىشۋلى ىسكە قاتىستى رەسمي ساۋال جولدادى.

«ءىس جۇرگىزۋ اياسىندا سوت-مەديتسينالىق جانە سوت-بيولوگيالىق ساراپتاما جۇرگىزىلدى, ونىڭ قورىتىندىسى بويىنشا زورلاۋ فاكتىسى راستالمادى.

20 قازاندا قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 35-بابى 1-بولىگى 2-تارماعى نەگىزىندە سوتقا دەيىنگى تەرگەپ-تەكسەرۋدى توقتاتۋ تۋرالى تۇپكىلىكتى شەشىم شىقتى.

اۋەزوۆ اۋداندىق پروكۋراتۋراسى بۇل شەشىممەن كەلىستى», — دەپ جاۋاپ بەردى پوليتسيا.

ايتا كەتەيىك, جانقوش تۇراروۆ كاسىپقوي رينگتە 2009 جىلدان بەرى ونەر كورسەتىپ كەلەدى. ول 28 جەكپە-جەك وتكىزىپ, ونىڭ 20-سىن نوكاۋتپەن جەڭگەن. ۇيلەنگەن, بالالارى بار.

فوتو ينتەرنەتتەن الىندى.