Janqosh Turarovtyń áıeli ajyrasý jaıly aıtty

Foto: ashyq derekkóz

Klara Isa jelide týyndaǵan shýdan keıin joldasymen qarym-qatynasy nyǵaıa túskenin aıtty.

Tanymal boksshy Janqosh Turarovtyń áıeli Klara Isa jubaıymen araqatynasy jaıly sóz etti, dep habarlady qandastar.kz

Boksshynyń áıeline áleýmettik jelide oqyrmanynyń «Ajyrasyp ketpeı, qalaı shydadyńyz?» degen suraǵyna jaýap berdi.

«Et pen súıekten jaralǵan adam bolǵasyn áser etpeı qoımaǵany ras. Ol qyzdyń oıdan shyǵarylǵan qııaly úshin emes, eldiń jazǵan hattary aýyr tıdi. Kim ekenin kórip, ómir saltyn túsingesin kóńilim ornyna tústi. Jala jaýyp otyrǵan er-azamaty jalǵyz Janqosh emes eken. Ondaı erkekter kóp eken, ol qyz aryz jazyp júrgen. Alla sana bersin deımiz. Ár nárseniń qaıyry bar. Úlken sabaq boldy. Ekeýmizdiń bir-birimizge degen syılastyǵymyzdy arttyrdy. Eshkim ajyrasýdan saqtandyrylmaǵan. Taǵdyrda bar bolsa qashyp qutyla almaısyń. О́mir onymen toqtap qalmaıdy. Adam neden qatty qoryqsa, soǵan tap bolady. Sol úshin tek jaqsy nárse oılaýǵa tyrysyńyz», – dep jazdy Klara Isa.